ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"7 جىل 1 اي مەرزىمگە باس بوستاندىعىنان ايىرىلدى". شقو-دا بانك قىزمەتكەرى 32 ملن تەڭگە جىمقىرعان

19 مامىر 2024 307

شىعىس قازاقستان وبلىسى ريددەر قالاسىندا 32 ملن تەڭگە جىمقىرعان بانك قىزمەتكەرى سوتتالدى، دەپ حابارلايدى Alash.kz. 

ريددەر قالالىق سوتى باسپا ءسوز قىزمەتىنىڭ مالىمەتىنە سۇيەنسەك، ايەل ادام بانكتەردىڭ بىرىندە كاسسالىق وپەراسيالار ءبولىمىنىڭ باسشىسى بولىپ جۇمىس ىستەگەن. وتكەن جىلدىڭ جەلتوقسان ايىنىڭ 11-20 ارالىعىندا ول 31 900 000 تەڭگەنى جەكە شوتىنا اۋدارىپ العان. كۇن سايىن 2،5 ملن-نان 5 ملن تەڭگەگە دەيىن اۋدارىپ وتىرعان.

«ايىپتالۋشىنىڭ كىناسى قاراجاتتىڭ جەتىسپەۋشىلىگى انىقتالعان ەسەپپەن، قولما-قول اقشانى تەكسەرۋ اكتىسىمەن، كۋاگەرلەردىڭ بەرگەن جاۋاپتارىمەن، بەينەجازبالارمەن جانە باسقا دا دالەلدەرمەن راستالدى. سوت شەشىمىمەن سوتتالۋشى 7 جىل 1 اي مەرزىمگە باس بوستاندىعىنان ايىرىلدى. سونداي-اق وعان 7 جىل بويى بانك قىزمەتىنە قاتىستى لاۋازىمداردا جۇمىس ىستەۋگە تىيىم سالىندى»، - دەلىنگەن Skifnews.kz اقپاراتىندا. 

ۇكىم ءالى زاڭدى كۇشىنە ەنگەن جوق.

بۇل ماقالا تۋرالى نە ويلايسىز؟