ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

6،5 جىلعا سوتتالدى: شەنەۋنىك مۇراعاتتاردى سيفرلاندىرۋعا بولىنگەن 100 ملن تەڭگەدەن استام قاراجاتتى جىمقىرعان

03 ماۋسىم 2024 310

مادەنيەت جانە سپورت مينيسترلىگى مۇراعات ىستەرى جانە قۇجاتتاما كوميتەتى ءتوراعاسىنىڭ ورىنباسارى، سونداي–اق IT-كومپانيانىڭ ديرەكتورى "سيفرلىق قازاقستان" مەملەكەتتىك باعدارلاماسىن ىسكە اسىرۋ شەڭبەرىندە اقپاراتتىق جۇيەنى ازىرلەۋگە بولىنگەن 105 ملن تەڭگەدەن استام قاراجاتتى جىمقىرعانى ءۇشىن سوتتالدى، دەپ حابارلايدى Alash.kz سايتى inbusiness.kz سايتىنا سىلتەپ.

"قاراجاتتى جىمقىرۋ „قۇجاتتاردىڭ ءبىرىڭعاي ەلەكتروندىق مۇراعاتى“ اقپاراتتىق جۇيەسىن تەحنيكالىق سۇيەمەلدەۋگە بيۋدجەت اقشاسىن ءبولۋ جانە اۋدارۋ ارقىلى، كومپيۋتەرلىك تەحنولوگيالار سالاسىنداعى تەرمينولوگيانى قولدانا وتىرىپ، ورىندالعان جۇمىستارعا قايتا قوسۋ ارقىلى جۇزەگە اسىرىلعاندىعى انىقتالدى"، — دەلىنگەن حابارلامادا.  

بۇل رەتتە، تەحنيكالىق ەرەكشەلىكتى بۇرىن مەردىگەردىڭ ءوزى ازىرلەپ، پايدالانۋعا ەنگىزدى جانە كەپىلدى تەحنيكالىق سۇيەمەلدەۋ بويىنشا مىندەتتەمەنى قابىلدادى. 

الايدا، كوميتەت باسشىلىعى ورىندالعان جۇمىستارعا بيۋدجەت قاراجاتىن ءبولىپ، ونى ورىندالعان جۇمىستاردىڭ جالعان اكتىلەرى بويىنشا اج ازىرلەۋشىسىنە قايتا اۋداردى.

"ۇرلانعان اقشا قاراجاتى قىلمىستىق شىعۋ تەگىن جاسىرۋ جانە زاڭدى اينالىمعا ەنگىزۋ ماقساتىندا سەنىمدى تۇلعالارعا رەسىمدەلگەن قىمبات جىلجىمالى جانە جىلجىمايتىن مۇلىكتى ساتىپ الۋعا باعىتتالعان. سوت ۇكىمىمەن سوتتالۋشىلاردان كەلتىرىلگەن زالال سوماسىن ءوندىرىپ، ءارقايسىسىنا 6،5 جىلعا باس بوستاندىعىنان ايىرۋ جازاسى تاعايىندالدى"، - دەپ حابارلادى اگەنتتىكتىڭ باسپا ءسوز قىزمەتى.  

سونىمەن قاتار، بۇرىنعى مەملەكەتتىك قىزمەتشى مەملەكەتتىك لاۋازىمداردى اتقارۋ قۇقىعىنان ءومىر بويىنا جانە مەملەكەتتىك ناگرادالاردان ايىرىلدى، ال مەردىگەر كومپانيانىڭ باسشىسى 7 جىل مەرزىمگە كوممەرسيالىق جانە كوممەرسيالىق ەمەس ۇيىمداردا باسشىلىق لاۋازىمداردى اتقارۋ قۇقىعىنان ايىرىلدى. 

ۇكىم زاڭدى كۇشىنە ەنگەن جوق.

بۇل ماقالا تۋرالى نە ويلايسىز؟