ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

61 جاستاعى ەرالى توعجانوۆ جاڭا قىزمەتكە تاعايىندالدى

16 مامىر 2024 638

ەرالى توعجانوۆ ق ر پرەمەر-مينيسترىنىڭ كەڭەسشىسى بولىپ تاعايىندالدى. بۇل اقپاراتتى ۇكىمەتتىڭ باسپا ءسوز قىزمەتى راستادى، دەپ جازادى Alash.kz

ەرالى توعجانوۆ 1963 جىلى 13 مامىردا باتىس قازاقستان وبلىسىندا دۇنيەگە كەلگەن. 1988 جىلى قاراعاندى مەملەكەتتىك ۋنيۆەرسيتەتىن، 1994 جىلى عىلىم اكادەمياسىنىڭ مەملەكەت جانە قۇقىق ينستيتۋتىن بىتىرگەن. ماماندىعى - زاڭگەر.

ەڭبەك جولىن 1980 جىلى ورال وبلىسى، وكتيابر ورمان شارۋاشىلىعىنىڭ جۇمىسشىسى رەتىندە باستاعان.

1988-2001 جىلدارى — قاراعاندى مەملەكەتتىك ۋنيۆەرسيتەتىندە وقىتۋشى، ق ر عىلىم اكادەمياسىنىڭ مەملەكەت جانە قۇقىق ينستيتۋتىنىڭ ديرەكتورى، فاكۋلتەت دەكانى، قازاق مەملەكەتتىك زاڭ ۋنيۆەرسيتەتىنىڭ فيليالىنىڭ ديرەكتورى.

2001-2006 جىلدارى — قاراعاندى وبلىسى اكىمىنىڭ ورىنباسارى.

2006-2008 جىلدارى — قازاقستان رەسپۋبليكاسى ادىلەت مينيسترلىگىنىڭ ءدىن ىستەرى جونىندەگى كوميتەت ءتوراعاسى.

2008-2017 جىلدارى — قازاقستان حالقى اسسامبلەياسى ءتوراعاسىنىڭ ورىنباسارى، ق ر پرەزيدەنتى اكىمشىلىگىنىڭ قازاقستان حالقى اسسامبلەياسىنىڭ حاتشىلىعىنىڭ مەڭگەرۋشىسى، ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ سەكتور مەڭگەرۋشىسى.

2017-2019 جىلدارى — ماڭعىستاۋ وبلىسىنىڭ اكىمى.

2019-2020 جىلدارى — ق ر كاسىپوداقتار فەدەراسياسىنىڭ ءتوراعاسى.

2020 جىلدىڭ 11 اقپانىندا ق ر پرەمەر-مينيسترىنىڭ ورىنباسارى بولىپ تاعايىندالدى. 

2022 جىلعى 11 قاڭتاردا ق ر پرەزيدەنتىنىڭ جارلىعىمەن ق ر پرەمەر-مينيسترىنىڭ ورىنباسارى بولىپ قايتا تاعايىندالدى.

2022 جىلدىڭ 31 تامىزىندا اقتوبە وبلىسىنىڭ اكىمى بولىپ تاعايىندالدى.

2023 جىلدىڭ 5 قىركۇيەگىندە مەملەكەت باسشىسىنىڭ جارلىعىمەن قىزمەتىنەن بوساتىلدى.

بۇل ماقالا تۋرالى نە ويلايسىز؟