ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

6 بالاعا يت پەن مىسىقتىڭ ەتىن بەرگەن ەمشى سوتتالمايتىن بولدى. نەگە؟

18 ماۋسىم 2024 387

شىمكەنت قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى جابىق سوت وتىرىسىندا ۇلىقبەك سمانوۆقا قاتىستى قىلمىستىق ءىستى قارادى، دەپ حابارلايدى Alash.kz ۇلتتىق پورتالى Azattyq Rýhy.سايتىنا سىلتەمە جاساپ.

قالالىق سوت حابارلاعانداي، مامانداندىرىلعان اۋدانارالىق سوتتا قك-نىڭ 140-بابىنىڭ 2-بولىگى (بالالاردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ جونىندەگى مىندەتتەردى تيىسىنشە ورىنداماۋ)، قك-نىڭ 110-بابى 2-بولىگىنىڭ 1) ،2) تارماقتارى (ازاپتاۋ) بويىنشا سوتقا دەيىنگى تەرگەپ-تەكسەرۋ ورگانىنىڭ مەديسينالىق سيپاتتاعى ماجبۇرلەۋ شارالارىن قولدانۋ تۋرالى وتىنىشحاتىمەن كەلىپ تۇسكەن قىلمىستىق ءىس قارالدى.

«سوت انىقتاعانداي، سوت-پسيحياتريالىق ساراپتاماسىنىڭ قورىتىندىسىنا سايكەس، ۋ.سمانوۆ سوزىلمالى جانە پسيحيكالىق اۋرۋمەن اۋىرادى جانە ءوز ىس-ارەكەتتەرىن جاساۋ كەزىندە ەس-تۇسسىز جاعدايدا بولعان. بۇل جاعداي زاڭ بويىنشا قىلمىستىق جاۋاپتىلىققا تارتۋدى جوققا شىعارادى. سوت قك-نىڭ 16-بابىنا سايكەس ۋ.سمانوۆتى قىلمىستىق جاۋاپتىلىقتان بوساتىپ، وعان مامانداندىرىلعان پسيحياتريالىق ستاسيوناردا ەمدەۋگە ماجبۇرلەۋ تۇرىندەگى مەديسينالىق سيپاتتاعى ماجبۇرلەۋ شارالارىن تاعايىندادى»، - دەلىنگەن حابارلامادا.

سونىمەن قاتار قازاقستان رەسپۋبليكاسى وقۋ-اعارتۋ مينيسترلىگىنە، استانا، الماتى جانە شىمكەنت قالالارىنىڭ ءبىلىم باسقارمالارىنىڭ قورعانشىلىق جانە قامقورشىلىق ورگاندارىنا، سونداي-اق شىمكەنت قالالىق پوليسيا دەپارتامەنتىنە بالالاردى پسيحيكالىق اۋرۋمەن اۋىراتىن ادامنىڭ قامقورلىعىنا بەرۋ فاكتىسى بويىنشا جەكە قاۋلىلار شىعارىلدى.

 قاۋلى زاڭدى كۇشىنە ەنگەن جوق.

بۇل ماقالا تۋرالى نە ويلايسىز؟