ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

50 مىڭ قول جينادى: لعبت ءناسيحاتىنا قارسى پەتيسيا بالايەۆاعا جولدانادى...

17 ماۋسىم 2024 261

ءبىر قىزىعى، مۇنداي شەكتەۋلەر قازاقستاننىڭ يميدجىنە نۇقسان كەلتىرەدى دەگەن بەلسەندىلەر شىعىپ جاتىر دەپ جازادى Fragment. ولار پەتيسيا اۆتورلارىنىڭ باستاماسىن اتا زاڭعا قايشى دەپ سانايدى.

پەتيسيا اۆتورلارى - قازاقستان اتا-انالار وداعى. وداق بەلسەندىلەرى "قازاقستاندا لعبت ءناسيحاتىنا قارسىمىز" دەيتىن شاعىمدى E-Petition.kz پورتالىندا ورنالاستىرعان. ازداعان ۋاقىتتا 50 مىڭ قول جيناعان قۇجات ءبىزدىڭ بىلۋىمىزشە، اقپارات مينيسترىنە جولدانعان.


رەسمي پەتيسيالاردى قاراۋ جۇيەسى قازاقستاندا سالىستىرمالى تۇردە سونى قۇبىلىس. وسى ۋاقىتقا دەيىن تەك ءۇش پەتيسيا قاجەتتى قول جينادى. سونىڭ ءبىرى - اتىشۋلى بيشىمبايەۆتىڭ ءىسى. سالتانات نۇكەنوۆانىڭ ءولىمى وتباسىلىق زورلىق-زومبىلىق تۋرالى زاڭنىڭ قابىلدانۋىنا الىپ كەلدى.

پەتيسياعا ۇيىتقى بولعانداردىڭ ءبىرى - باعيلا بالتابايەۆا.

"ءبىرجىنىستى ماحاباتتىڭ جاقتاستارى ءوز قاتارىنا جاستاردى تارتقىسى كەلەدى. جىنىستىق قاتىناستاردىڭ قازاق قوعامىنا جات ستاندارتتارىن ەنگىزۋگە ۇمتىلادى. ال ءداستۇرلى قۇندىلىقتاردى ەسكىلىكتىڭ بەلگىسى دەپ قاراستىرادى"،- دەيدى ول.

مۇنداي شەكتەۋلەر قازاقستاننىڭ يميدجىنە نۇقسان كەلتىرۋى مۇمكىن دەگەن بەلسەندىلەردىڭ ءوز ارگۋمەنتى بار. بەلگىلى فەمينيست ايگەرىم قۇسايىن قىزىنىڭ ايتۋىنشا پەتيسيا كونستيتۋسيادا بەكىتىلگەن نەگىزگى قۇقىقتاردى تابانعا تاپتاپ وتىر.

"ادامدى سەكسۋالدى وريەنتيرى مەن گەندەرلىك يدەنتتىلىگى ءۇشىن قۋدالاۋ قۇقىق بۇزۋدىڭ ورەسكەل كورىنىسى. ادام قۇقىن قورعايتىن ەلدەردىڭ قاتارىندا قالعىمىز كەلسە، مۇنداي زاڭ قابىلدانباۋى كەرەك"، - دەيدى ول. بەلگىلى ادۆوكات حاليدا ءاجىعۇلوۆا دا بەلسەندىنىڭ ءسوزىن سويلەپ وتىر.

"مۇنداي باستاماعا 50 مىڭ ادامنىڭ قول قويعانى وتە-موتە ءقاۋىپتى قۇبىلىس. شىنايى دەموكراتيالىق قوعامدا ادامدى ادامعا ايداپ سالۋعا بولمايدى..." - دەيدى ول.

Fragment بۇل ىسكە تورەلىك ايتۋدان اۋلاق. دەسە دە، قازاق قوعامى "عوموسەكسۋالدى مازمۇنى" بار كونتەنتتىڭ ەشبىرىن قابىلدامايتىنىن ءتۇسىنۋ كەرەك.

"ءداستۇرلى ەمەس قارىم-قاتىناستاردىڭ" پروپاعانداسىمەن اينالىساتىن ءبىرقاتار بەلسەندىلەردىڭ تالپىنىستارىن ءقازاقتىلدى ورتا دەر كەزىندە تەجەپ وتىردى. ايتالىق، بيىلعى جىلدىڭ قاڭتارىندا لعبت قاۋىمداستىعىنا ارنالعان selftanu.kz سايتى "وسكەلەڭ ۇرپاقتىڭ ساناسىن ۋلايتىن اقپارات" ورنالاستىرعانى ءۇشىن دەرەۋ بۇعاتتالعان.

ايتقانداي، كورشى رەسەيدە جاقىندا "لعبت ءناسيحاتىنا" تىيىم سالۋ تۋرالى زاڭ قابىلدانىپ، وسى ءىستىڭ باسى-قاسىنداعى بەلسەندىلەرگە قاتىستى اكىمشىلىك ىستەر قوزعالعان.

بۇل ماقالا تۋرالى نە ويلايسىز؟