تەندەردى الماتى قالاسى قوعامدىق دامۋ باسقارماسىنىڭ "مونيتورينگ جانە تالداۋ ورتالىعى" وتكىزىپتى. ۆەدومستۆودا مەملەكەتتىك بيۋدجەتتەن 5 ملن 152 مىڭ تەڭگەگە "Alem Research" جشس-گە "باق-تى تالداۋ جانە مونيتورينگىلەۋ جونىندەگى قىزمەتتەرگە" تاپسىرىس بەرىلگەن. ولارعا قانداي ب ا ق پەن بلوگەرلەر ءوز جاريالانىمدارىندا ەربولات دوسايەۆتى اتاپ وتەتىنى جانە قانداي نەگىزدە ەكەنىن انىقتاۋ جۇكتەلىپتى.

ءبىر قىزىعى، الماتىنىڭ قازىرگى اكىمى تەگتەلگەن 12 مىڭ جاريالانىمنىڭ بارلىعى دەرلىك جاقسى جاڭالىق بولماي شىقتى.

ەگەر ءسىز مەملەكەتتىك ساتىپ الۋ سايتىنداعى لوتتىڭ بەتىن مۇقيات زەرتتەسەڭىز، تاپسىرىستىڭ تولىق ورىندالۋ مەرزىمى وسى جىلدىڭ 31 جەلتوقسانىنا بەلگىلەنگەنىن بايقاي الاسىز.

حەيتەرلەر ءتىزىمى

دوسايەۆ تۋرالى جاعىمدى پىكىرلەر الماتى اكىمدىگىنىڭ باسپا ءسوز قىزمەتىنىڭ سايتىندا ءورىپ ءجۇر.

ءبىراق Alem Research "زەرتتەۋىنە قاراعاندا ەربولات اسقاربەك ۇلىنىڭ باستى "حايتەرى" جۋرناليست اسحات نيازوۆتىڭ "وباجايۋ" Youtube-ارناسى ەكەن.

"دوسايەۆتىڭ تىزىمىمەن" تولىعىراق مىنا سىلتەمە ارقىلى تانىسۋعا بولادى.

سارى سىزىق تەرىس پىكىر بىلدىرگەندەردى، كوك –  وڭ كوزقاراس بىلدىرگەندەرد، سۇر – بەيتاراپ سيپاتتاعى ەسكەرتۋلەردى بىلدىرەدى:









كورىپ تۇرعاندارىڭىزداي زەرتتەۋدە "نەگە" رەداكسيا دا اتالعان.

“نەگاتيۆ” نەگە كوپ؟

ەربولات دوسايەۆ اكىم قىزمەتىندە بىرنەشە جانجالدىڭ ورتاسىندا قالعانى بەلگىلى. اسىرەسە، قالا تۇرعىندارىنا ەسەپ بەرۋ بريفينگى كەزىندە دوسايەۆتىڭ “جۇلدىزى جاناتىن”. ول شاعىمدانعان الماتىلىقتارمەن بازارداعى ايەلدەرشە سالعىلاسىپ ۇرىساتىن. ارينە، مۇنداي ساتتەر جەلىدە ءجيى تاراپ كەتەدى. سودان الماتىلىقتار عانا ەمەس، ەلىمىزدىڭ باسقا دا تۇرعىندارى ونى سىناپ تاستاعان ەدى.

ماسەلەن، ەربولات دوسايەۆ بلوگەر اسحات نيازوۆتى جەكە كەڭىستىگىنە باسىپ كىرگەنى ءۇشىن سوتقا بەرەمىز دەپ قورقىتتى. جانجال كوممەرسيالىق اۋەجاي اۋماعىندا، قالا باسشىسىنىڭ استانادان الماتىعا جەكە رەيسپەن ۇشۋى بارىسىندا بولعان.