بۇگىن كۇندىز ەلوردادا قار كۇرەۋ جۇمىسىنا 1000-عا جۋىق ارنايى تەحنيكا مەن 1500-گە جۋىق جول جۇمىسشى جۇمىلدىرىلدى.
وتكەن ءتۇنى، ياعني 29 ناۋرىزدان 30-ىنا قاراعان ءتۇنى كوممۋنالدىق قىزمەتتەر قار پوليگوندارىنا 1252 تەكشە مەتر قار شىعاردى. قىسقى كەزەڭنىڭ باسىنان باستاپ بۇگىنگە دەيىن قالادان 4،4 ملن تەكشە مەتردەن استام قار شىعارىلدى.
قالانىڭ كوممۋنالدىق قىزمەتتەرى كۇشەيتىلگەن تاۋلىك بويعى رەجيمدە كەشكى جانە تۇنگى ۋاقىتتا ينتەنسيفيكاسيامەن، سونداي-اق قار جيناۋ مارشرۋتتارىن تۇزەتۋمەن جۇمىس ىستەيدى.
ءبىرىنشى كەزەكتە، ەرەجە بويىنشا، جولداردا كەپتەلىس بولماۋى ءۇشىن قوزعالىسى وتە قارقىندى ۋچاسكەلەر تازارتىلادى. سونداي-اق ورتاشا قارقىندى ۋچاسكەلەر – الاڭدار، ۆوكزال ماڭىنداعى اۋماقتار، تروتۋارلار، الەۋمەتتىك نىساندارعا كىرەتىن جولدار جانە ت.ب. قاردان تازارتىلادى.
ايتا كەتەيىك، ەلوردادا اۋا رايىنىڭ قولايسىزدىعى، بوران مەن ەكپىندى جەل ساقتالادى. تۇرعىنداردان اباي بولعانى، الىس ساپارلارعا شىقپاعانى ءجون.
