ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

34 جاسىندا كەلىندى بولعان بەينەۋلىك وتباسى جەلىنى شۋلاتتى

16 مامىر 2024 527

34 جاسىندا كەلىن تۇسىرگەن ماڭعىستاۋلىق وتباسى جەلىنى شۋلاتتى.Stan.kz ءتىلشىسى وتباسىدان سۇحبات الدى.

بۇل – جايىلحانوۆتار اۋلەتى. وتباسى ماڭعىستاۋ وبلىسى بەينەۋ اۋدانىندا دۇبىرلەتىپ توي وتكىزگەن. توي تۋرالى اۋلەتتىڭ تۋىسى (اتىن جاسىرۋدى ءوتىندى) ايتىپ بەردى. سەبەبى جاس اتا-ەنە ساپارعا شىعىپ كەتكەندىكتەن، جاۋاپ بەرۋگە ۋاقىتى بولمادى.

“جاس اتا-ەنەنىڭ وزدەرى 2007 جىلى وتاۋ قۇرىپ، 2008 جىلى ۇلكەن ۇلدارى ومىرگە كەلدى. اعام مەن جەڭگەم ەكى ۇل مەن ءۇش قىزدى تاربيەلەپ وتىر. اعام 1985 جىلعى بولسا، جەڭگەم 1990 جىلى دۇنيەگە كەلگەن. وتباسىمىز ۇلكەن، جايىلحانوۆتار اۋلەتىمىز”، – دەدى ماڭعىستاۋلىق ارۋ.

ماڭعىستاۋلىق قىزدىڭ سوزىنشە، ۇيلەنىپ جاتقان جىگىت پەن قىز ەكەۋى دە 2008 جىلى تۋعان. شاڭىراق كوتەرگەن جاس جىگىت باۋىرلاردان ەڭ ۇلكەنى ەكەن.

دەسە دە “جاستاي ۇيلەنگەن ەرلى-زايىپتىعا ەكى جاقتىڭ تۋىستارى قارسى بولمادى ما؟” دەپ سۇراپ كوردىك.

“جاڭا تۇسكەن كەلىن اجەمىزگە شوبەرە كەلىن بولادى. ءقازىر ءۇيدىڭ ۇيىتقىسى بولىپ وتىرعان اجەمىزدىڭ جاسى 82-دە. اپامنىڭ ايتۋىنشا، ول ءوزى 15 جاسىندا كەلىن بولىپ تۇسكەن. بۇگىندە التىن قۇرساقتى انامىزدىڭ ءۇش ۇل مەن ءۇش قىزى بار. ءقازىر جاس وتباسىندا ءبارى جاقسى جانە اتا-ەنەسىنىڭ قولىندا تۇرىپ جاتىر. ەكى جاقتىڭ اتا-انالارى دا قارسى بولعان جوق. بۇرىننان ءبىر-بىرىن بىلەتىن، ەسكى تانىس ادامدار بولىپ شىقتى. جاس ءجۇبايلاردىڭ ەكەۋى دە كوللەدجدە ءبىلىم الىپ جاتىر"، – دەدى اۋلەتتىڭ نەمەرە قىزى.

 

بۇل ماقالا تۋرالى نە ويلايسىز؟