ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

171 تەحنيكا. الماتى وبلىسى اپاتتى ايماقتارعا كومەك كورسەتتى

19 ءساۋىر 2024 298

باتىس قازاقستان وبلىسىندا جۇرگىزىلىپ جاتقان سۋ تاسقىنىنا قارسى ءىس-شارالار اياسىندا، ورال قالاسىنا الماتى وبلىسىنان قوماقتى كومەك كورسەتىلدى. اعىمداعى جىلدىڭ 17 ساۋىرىندە 51 بىرلىك تەحنيكا تيەگەن ءبىرىنشى ەشەلون جەتكىزىلىپ، ءتۇرلى اۋداندارعا تاراتىلدى. ورال قالاسىنا 15 بىرلىك، ءبورلى اۋدانىنا 10 بىرلىك، اقجايىق اۋدانىنا 32 بىرلىك تەحنيكا ءبولىنىپ بەرىلدى.

ال كەلەسى كۇنى، دەمەك 18 ساۋىردە، ەكىنشى ەشەلون 71 بىرلىك تەحنيكانى جەتكىزدى. ورال قالاسىنا 52 بىرلىك، قوستاناي اۋدانىنا 5 بىرلىك، ءبورىلى اۋدانىنا 8 بىرلىك جانە تەرەكتى اۋدانىنا 3 بىرلىك ءبولىندى. ورال قالاسىنا دا قوسىمشا 49 بىرلىك تەحنيكا اكەلىندى.

قازىرگى تاڭدا باتىس قازاقستان وبلىسىنداعى سۋ تاسقىنىنا قارسى ءىس-شارالارعا، الماتى وبلىسىنان اكەلىنگەن بارلىعى 171 تەحنيكا جۇمىلدىرىلعان. اتاپ ايتقاندا 122ء-سى ەشەلونمەن جەتكىزىلسە، ورال قالاسىنان كەلىسىم - شارت بويىنشا جالعا العان 42 بىرلىك، جانە كازاۆتودور مەكەمەسىنىڭ فيليالىنان 7 بىرلىك تەحنيكا باعىتتار بويىنشا جۇمىس ىستەۋدە. بۇل تابيعي اپاتتارمەن كەشەندى كۇرەستە ايتارلىقتاي قوسقان كۇش ۇلەسى بولىپ تابىلادى، جانە سۋ تاسقىنى قاۋپىنە ءتيىمدى ارەكەت ەتۋگە مۇمكىندىك بەرەدى.

وسىنداي ءىس-شارالار، قيىن جاعدايدا ەلىمىزدىڭ وڭىرلەرى اراسىنداعى ىنتىماقتاستىق پەن اۋىزبىرشىلىگىن، دەر كەزىندە كومەك قولىن سوزۋدىڭ ماڭىزدىلىعىن كورسەتەدى. بىرلەسكەن كۇش-جىگەرىمىز سۋ تاسقىنىنىڭ زارداپتارىن ازايتۋعا، جانە تۇرعىنداردىڭ قاۋىپسىزدىگىن قامتاماسىز ەتۋگە سەپتىگىن تيگىزەدى دەپ سەنەمىز.

بۇل ماقالا تۋرالى نە ويلايسىز؟