ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

14-قاباتتان لاقتىرىپ جىبەرەمىن: ديپلومات كۇيەۋىنەن 10 جىل بويى ءزابىر كورگەن ايەلدىڭ اقيقاتى

03 ماۋسىم 2024 499

كارينا ماماش 10 جىل بويى ديپلومات كۇيەۋىنەن نە ءۇشىن ءزابىر كورگەنىپ، وسىنشا ۋاقىت زورلىققا قالاي شىداپ جۇرگەنىن ايتتى، - دەپ حابارلايدى Alash.kz.

كارينا ماماشتىڭ سوزىنشە، ول قاتەلەسكەنىن مويىنداۋعا ۇيالعان.

"ول مەنىڭ تاڭداۋىم بولدى عوي. 15 جاسىمدا ول ادامعا قاتتى عاشىق بولىپ قالدىم. ول باسقا ادام بولىپ شىققانىن مويىنداۋدان ۇيالدىم"، - دەيدى كارينا ماماش راحىم وشاقبايەۆقا بەرگەن سۇحباتىندا.

كارينا ماماش قاي ساتتە "ماحاببات بىتكەنىن" تۇسىنگەنىن ايتتى دەپ جازدى Massaget.kz.

"ءبىر كەزدە جاقسى، ءبىر كەزدە جامان ءسات بولادى. مەن كەتۋىم كەرەگىن ءتۇسىندىم. ول جۇمىسقا شىققان كەزدە بالالاردى الىپ، اناما كەتىپ قالاتىن كەزدى كۇتتىم. ول ماعان ماس كۇيدە "كۇتپەگەن جەردەن جاماندىق جاسايمىن، سەنى تەك و دۇنيەگە جىبەرەمىن، ءبىراق ونى باسقا بىرەۋ ىستەيدى. سەنەن اجىراسپايمىن دا، بالالاردى دا المايسىڭ. نە مەنىكى بولاسىڭ، باسقا ەشكىمدىكى بولمايسىڭ. سەنى نە قاسقىرلار جەپ تاستايدى، نەمەسە 14-قاباتتان لاقتىرىپ جىبەرەمىن" دەدى. بۇل وتە قورقىنىشتى سەزىم. ءبىر شەتى كەتكىڭ كەلەدى، ءبىراق ونىڭ سالدارى قانداي بولاتىنىن تۇسىنەسىڭ. سەبەبى ول ادام ولتىرۋگە دايىن"، - دەيدى كارينا ماماش.

ەسكە سالايىق، "#نەمولچي.kz" قورىنا ايەل تۇرمىستىق زورلىق-زومبىلىققا تاپ بولعانىن جازعان بولاتىن. ول ءوزىنىڭ 10 جىل بويى قىسىم كورگەنىن ايتادى. ايەلدىڭ سوزىنشە، ساكەن ماماش ونىڭ باا-گە قوناققا كەلگەن ۇلكەن اپكەسىندە دە ۇرىپ-سوققان.

كوپ ۇزاماي سىرتقى ىستەر مينيسترلىگى ديپلومات ساكەن ماماشتى امىرلىكتەردەن كەرى شاقىرىپ جاتقانىن، ونىڭ ىسىمەن قۇقىق قورعاۋ ورگاندارى اينالىساتىنىن حابارلادى.

بۇل ماقالا تۋرالى نە ويلايسىز؟