ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

1،2 ميلليون ەۋرو. ۇلتتىق قۇرامانىڭ كەلەسى باپكەرى رەسەيدەن ۇلكەن قارجىعا بولا كەلۋى مۇمكىن

01 ماۋسىم 2024 243

باس باپكەر ماگومەد ادييەۆ قىزمەتىنەن كەتكەننەن كەيىن فۋتبولدان قازاقستان قۇراماسىن ەندىگى جاتتىقتىراتىن ماماندار جايلى ايتىلا باستادى. جورامال بويىنشا، كەلەسى جاتتىقتىرۋشى رەتىندە رەسەي ۇلتتىق قۇراماسىنىڭ بۇرىنعى باس باپكەرى ستانيسلاۆ چەرچەسوۆ سايلانۋى مۇمكىن. بۇل تۋرالى Vesti.kz پورتالىنا حابارلادى، دەپ جازدى Alash.KZ ۇلتتىق پورتالى. 

«احمات» فۋتبول كلۋبىنداعى جۇمىسىنا بايلانىستى ۇلتتىق قۇرامادان كەتكەن ماگومەد ادييەۆ ءوزىنىڭ ورنىنا رەسەي ۇلتتىق قۇراماسىنىڭ بۇرىنعى باس باپكەرى ستانيسلاۆ چەرچەسوۆتى ۇسىندى.

تاراپتار تاعايىنداۋ جاعى بويىنشا اقىلداسىپ، باپكەرمەن بويىنشا بايلانىسقا شىعىپ، چەرچەسوۆكە كەلىسسوزدەردىڭ سوڭعى كەزەڭىنە ءوتۋ ءۇشىن استاناعا بيلەتتەر العانى ايتىلدى. جاقىن ارادا چەرچەسوۆ قازاقستان قۇراماسىمەن كەلىسىمشارت جاساۋى مۇمكىن. ول جىلىنا 1،2 ميلليون ەۋرو تابىس تابادى.

ايتا كەتەيىك، چەرچەسوۆتىڭ باسشىلىعىمەن 2018 جىلى رەسەي قۇراماسى الەم چەمپيوناتىندا 1/4 فينالعا جەتكەن. ول بۇگىنگە دەيىن «فەرەنسۆاروش»، «لەگيا»، رەسەيلىك «دينامو» (ماسكەۋ)، «امكار»، «تەرەك»، «جەمچۋجينا»، «سپارتاك» (ماسكەۋ) جانە اۆستريالىق «ۆاككەر-تيرول» كوماندالارىن جاتتىقتىرعان.

ماگومەد ادييەۆ قازاقستان قۇراماسىن 2022 جىلدان باستاپ جاتتىقتىردى. ونىمەن بىرگە كوماندا ۆ ديۆيزيونىنا ءتۇسىپ، ۇلتتار ليگاسىندا ءوز توبىندا كوش باستادى، سونىمەن قاتار ەۋرو-2024-كە جولداما الۋ ءۇشىن سوڭىنا دەيىن كۇرەستى. ءبىراق شەشۋشى ويىندا گرەكيادان 0:5 ەسەبىمەن جەڭىلىپ قالدى.

بۇل ماقالا تۋرالى نە ويلايسىز؟