-15.1 C
Almaty
Жұма, Қаңтар 27, 2023

Сәбит Мұқанов Алаш зиялылары айтылғанда қуанғаны рас па?

Алаштанушы Сұлтан-хан Аққұлы қазақ зиялылары арасындағы қарым-қатынасқа...

Жамбыл Ахметбеков ҚХП-дан шығып кетті

  Мәжіліс сайлауы алдында Қазақстан халық партиясының ішіндегі...

Әбілдаевпен көрші елдің арнайы қызметі айналысқанға ұқсайды – Қ.Иса

Экс-депутат, «Ақ жол» партиясының мүшесі Қазыбек Иса...

Тоқаев «Аманат» партиясынан шығатынын жариялап, төрағалықтан бас тартты

Қазақстан президенті Қасым-Жомарт Тоқаев 26 сәуірде «Аманат» (бұрынғы «Нұр Отан» партиясы) съезінде партиядан шығатынын және төрағалығынан бас тартатынын мәлімдеді. Ол мұны өзі бастамашыл болып өзгертіп жатқан Конституциядағы өзгерістермен байланыстырды. Тоқаев партия төрағалығын мәжіліс спикері Ерлан Қошановқа тапсыратынын айтты.

Бұған қоса, съезде билікшіл «Адал» партиясы «Аманатқа» қосылатынын жариялады.

Мәжілістегі басым орынға ие «Аманат» партиясына кейінгі жылдары қоғамда сын күшейген. Кемі 238 адамның өмірін қиған Қаңтар оқиғасынан соң партияның саяси кеңес құрамы, саяси бюро мүшелері ауысып, атауы «Нұр Отаннан» «Аманатқа» ауысқан еді.

28 қаңтарда партия съезінде елдің экс-президенті Нұрсұлтан Назарбаев партия төрағалығын қазіргі президент Тоқаевқа тапсырған еді. Сол съезде Тоқаев ел президенті партия мүшелігінде және төрағалығында болмау керегін айтып, түбі төрағалықты өткізіп беретінін жеткізген.

«Нұр Отан» бастапқыда 1999 жылы «Отан» деген атпен құрылған. 2006 жылы желтоқсанда атауы «Нұр Отан» болып өзгертілген еді. Елді 30 жылдай басқарған Назарбаев бұл партияның ұзақ жылдар бойы төрағасы болып келген. 2019 жылы наурызда Назарбаев президенттіктен кеткенімен, партия төрағасы ретінде билікке ықпал етіп келген еді.

Сарапшылар Қаңтар оқиғасы Назарбаевтың билікке ықпалын әлсіретті дейді. Қаңтар қырғынынан соң Тоқаев елде саяси және әлеуметтік реформа жасауға уәде еткен еді. Ал сарапшылар Қаңтар оқиғасынан төрт ай өтсе де елде айтарлықтай саяси және әлеуметтік реформа болған жоқ деп санайды.

Дереккөз

Мақалаға жақын контент

Check out other tags:

Көп оқылған жазбалар