Путин Украинаға қарсы соғысқа сириялық содырларды жалдап жатыр.
Содырларға Украинаға бару үшін 200-300 доллар ақша ұсынған.
Wall Street Journal басылымының хабарлауынша, Мәскеу Украинаға қарсы операцияға соғысқа машықтанған сириялықтарды тартып жатыр. АҚШ билігі Ресейдің мұндай әрекеті қалаларға шабуылды күшейтуі мүмкін екеніне сенімді.
АҚШ-тың төрт өкілінің пікірінше, Сирияда 2015 жылдан бері әрекет етіп келе жатқан Ресей олардың қалалық соғыстағы тәжірибесі Киевті жаулап алуға және Украина үкіметіне жойқын соққы беруге көмектесетініне үміттеніп, соңғы күндері сол жерден жауынгерлерді жалдап жатыр. Сарапшылардың пікірінше, бұл қадам Украинадағы соғыс қимылдарының ықтимал өршуін көрсетеді.