-17.1 C
Almaty
Жұма, Қаңтар 27, 2023

Сәбит Мұқанов Алаш зиялылары айтылғанда қуанғаны рас па?

Алаштанушы Сұлтан-хан Аққұлы қазақ зиялылары арасындағы қарым-қатынасқа...

Жамбыл Ахметбеков ҚХП-дан шығып кетті

  Мәжіліс сайлауы алдында Қазақстан халық партиясының ішіндегі...

Әбілдаевпен көрші елдің арнайы қызметі айналысқанға ұқсайды – Қ.Иса

Экс-депутат, «Ақ жол» партиясының мүшесі Қазыбек Иса...

Оралда кәсіпкерді өлтірген екі күдікті ұсталды. Олардың қайда тығылғанын «тұрғындар айтқан»


Батыс Қазақстан облысының полиция департаменті Оралда кәсіпкерді өлтірген екі күдіктінің 8 тамыз таңертең ұсталғанын хабарлады. Департаменттің мәліметінше, 21 және 31 жастағы екі ер адам Орал маңындағы «Көктем» саяжай массивінде ұсталған.

Полицияның сөзінше, күдіктілердің саяжайда тығылғанын тұрғындар көріп, хабарлаған.

— Екеуі де сол жерде болды. Бірақ іздеу шарасы жүріп жатқанын түсінген соң олар қашып кеткісі келді. Тұрғындар олардың қайда қашып кеткенін айтты, – деді БҚО полиция департаменті басшысының орынбасары Жанболат Жаншин брифингте.

Саяжай тұрғындарының сөзінше, күдіктілер иесіз қалған саяжайдың бірінің ауласына келіп тығылған, бірақ үй жабық болғандықтан кіре алмаған. Тұрғындар «күдіктілер көрші саяжайдан қызанақ ұрламақ болғанда көзге түсіп қалғанын» да айтады.

Оралдағы кафе мен мейрамхана иесі, кәсіпкер Еркін Мұханғалиевті өлтіріп кеткен кадрлар 6 тамызда желіде тарап кеткен еді. Видеода үш ер адам кафедегі үстелде әңгімелесіп отырады. Кейін күдіктілердің бірі жанындағы адамды пышақтайды. Мұханғалиев қашып кетпек болады, бірақ оның мәйіті Атоян атындағы стадионның жанындағы автотұрақтан табылған. Полицияның сөзінше, Мұханғалиев жедел жәрдем келгенше жан тапсырған.

Полиция бұл оқиғадан соң «топ болып алдын ала сөз байласып адам өлтіру» айыбы бойынша (Қылмыстық кодекстің 99-бабы, 2-бөлігі, 7-тармағы) қылмыстық іс қозғаған. Департамент адам өлтіруге «жалақы төлемегендік себеп болған» деген еді. Бірақ 8 тамыздағы брифингте БҚО полиция департаменті басшысының орынбасары Жанболат Жаншин «адам өлтіруге не себеп болғаны белгісіз, қазір барлық нұсқаны тексеріп жатырмыз» деді.

Ал кафенің аты-жөнін атағысы келмеген қызметкері «жалақы төленбеді» деген сөзді жоққа шығарды. Ол күдіктінің бірі «кафеде бес жыл бұрын жұмыс істегенін», «жалақы кешіктіру мүлде болмағанын» айтты.

Кафе қызметкерінің күдіктілер кафенің «крышасы» болу үшін ақша талап етті деп отыр.

«Барлығы басталып кеткен соң келдім, маған екіншісі (21 жастағы күдікті) пышақ ала жүгірді. Мен еден шуатын таяқты әкелуге жүгіріп кеттім, келсем екеуі қашып кетіпті» дейді кафе қызметкері.



Дереккөз

Мақалаға жақын контент

Check out other tags:

Көп оқылған жазбалар