Ұлттық экономика министрі Әлібек Қуантыров Үкіметтің Ұлттық қордан трансфертті неге 1,6 триллион теңгеге ұлғайтуды жоспарлап отырғанын түсіндірді.
– Біз мемлекет басшысының қаңтар айының басында берген тапсырмаларын іске асыруға, сондай-ақ түрлі бағдарламалық құжаттарға ақша аламыз. Ұлттық қор, оның ішінде контрциклдық бюджет саясатын жүргізу кезінде құрал болып табылады. Ұлттық қордың бірнеше функциялары бар: жинақ, тұрақтандыру және дағдарысқа қарсы тұру. Бұл қалыпты процесс. Контрциклді бюджеттік саясаттың бір бөлігі, – деді Қуантыров.
Оның айтуынша, Ұлттық қорға мұнайдың жоғары бағасы мен доллардың жоғары бағамы есебінен қосымша қаржы күтілуде.
– Қазір Ұлттық қорда 55-56 миллиард доллар бар, – деді министр.