Tiri bolsam, qazaqqa qyzmet etpeı qoımaımyn!

Álıhan Bókeıhan

«Zorlanbaǵan»: 12 jastaǵy qyzǵa tıisken 5 jigittiń týysy sot úkimine qarsy shyǵyp, shý kóterdi (VIDEO)

06 maýsym 2024 661

12 jastaǵy qyzdy zorlaǵan 5 jigitke qatysty sot úkimi shyqty, dep habarlaıdy Alash.kz ulttyq portaly.

Sot málimetinshe, 2023 jyldyń 23 mamyrynda sottalýshylardyń biriniń «Lada» avtokóligin zańsyz ıemdengenin anyqtady.

Bir aptadan keıin ol Hyundai avtokóliginiń esigin buzyp, kóliktiń ishindegi aqshany urlap, ıesine 1 mıllıon teńgeden astam shyǵyn keltirgen.

10 maýsymda taǵy 2 aıyptalýshy Folksvagen kóligine kirip, kólik ishinen uıaly telefondy urlap ketken. Kelesi kúni aıyptalýshy top – 16-17 jas aralyǵyndaǵy 4 jasóspirim men 20 jastaǵy jigit kámeletke tolmaǵan qyzdy zorlaǵan.

Sottalýshylardyń kinási sotqa deıingi tergep-tekserý barysynda bergen aıǵaqtarymen, jábirlenýshiler men kýágerlerdiń aıǵaqtarymen, oqıǵa bolǵan jerdi qaraý, bettestirý hattamalary, tergeý áreketterin júrgizý kezinde kámeletke tolmaǵandardan jaýap alý hattamalarymen dáleldendi, – dep habarlady sot.

Sottalýshylar óz kinálaryn moıyndamady. Sonda da sot basty aıyptalýshyny 20 jylǵa bas bostandyǵynan aıyrdy. Al ekeýi 7, 6 jyl jaza aldy. Taǵy ekeýi 8 jylǵa bas bostandyǵynan aıyryldy.

Prokýror kúdiktilerdiń kinásin dáleldegenmen, jábirlenýshi dep tanylǵan 12 jastaǵy qyzdyń anasy olardy aqtaýdy suraǵan. Ol qyzynyń ótirik aıtqanyn, zorlanbaǵanyn alǵa tartyp otyr.

Bul maqala týraly ne oılaısyz?