Ár jyldyń basynda ótken jylda jasaǵan isteriń men kórsetken nátıjelerińe baǵa berýge tyrysasyń. Osy oraıda “Jańa adamdar” qozǵalysynyń jetekshisi men qatysýshylary «ARMAN ABDOLLA» YouTube kanalyna suhbat berip, ózderin jáne atqarǵan jumystaryn tolyq tanystyryp shyqty.
Elimizde “Jańa adamdardan” bólek burynnan jumys istep kele jatqan birneshe qozǵalys bar. Al “Jańa adamdar” sol qozǵalystardan nesimen erekshelenedi? Ásel Bádenova osy saýal tóńireginde bylaısha jaýap berdi.
“Men salystyrmaly túrde analız júrgizgen joqpyn. Óıtkeni bizdiń ózindik jolymyz bar. Biz eshkimmen alamanǵa túspeımiz”.
Qozǵalys jetekshisiniń sózinshe, “Jańa adamdardyń” alǵan baǵyty múldem bólek.
“Bizge deıin qurylyp, jumys istegen qozǵalystardyń formaty múldem basqasha. Olar sol kezdegi jaǵdaı qanshalyqty múmkindik berse, sonshalyqty jumys istedi. Al qazir jańa Qazaqstan týraly aıtatyn bolsaq, onda oń ózgerister óte kóp. Máselen búginginiń jastary únemi damý ústinde Sondaı-aq olardyń beligili bir máselelerge degen ózindik qalyptasqan kózqarasy bar. Sonymen qatar kóbi oılaǵandaı qazirgi jastar saıasattan beı-habar emes. Mine, “Jańa adamdar” usynatyn format osyndaı”.
Ásel Bádenovanyń aıtýynsha, elimizde jumysyn jalǵastyryp kele jatqan qozǵalystar jańa nátıjelerge qol jetkizbese, olar jańa Qazaqstanǵa saı formatta eńbek etip jatyr deýge kelmeıdi.
https://youtu.be/_eJGenpofTw?si=PhKt2V6m8-IOYuLb
