Tiri bolsam, qazaqqa qyzmet etpeı qoımaımyn!

Álıhan Bókeıhan

Zańsyz bas bostandyǵynan aıyrǵan, adam urlaǵan: Gúlmıra Satybaldyǵa qatysty sot bastaldy

03 maýsym 2024 448

 

Qaırat Satybaldynyń burynǵy áıeli Gúlmıra Satybaldyǵa qatysty negizgi sot otyrysy bastaldy, - dep habarlaıdy Alash.kz.

Tengrinews.kz málimetinshe, Almatynyń qylmystyq ister jónindegi mamandandyrylǵan aýdanaralyq sotynda Gúlmıra Satybaldy men onyń burynǵy júrgizýshisi Mádı Batyrshaevqa qatysty sot talqylaýy bastaldy dep jazdy Dalanews.kz.

Olar kásipkerdi bopsalap, zańsyz bas bostandyǵynan aıyrdy dep aıyptalyp otyr. Proseste tóraǵalyq etýshi sýdıa - Martpek Kákimjanov.

Satybaldy Astanadaǵy mekemeden Almatyǵa jetkizilgen, oǵan qosa ol ekinshi aıyptalýshymen birge proseske qatysady. Sondaı-aq, zalda jábirlenýshi kásipker Júnisov pen onyń eki aǵasy bar.

Buǵan deıin Almatynyń qylmystyq ister jónindegi sotynda Gúlmıra Satybaldynyń isi boıynsha aldyn ala tyńdaý ótti. Sottyń aldyn ala tyńdaýy kezinde Gúlmıra Satybaldy alqabıler sotynan bas tartty.

Sottalýshy oryndyǵynda Gúlmıra Satybaldymen qosa, onyń júrgizýshisi Mádı Batyrshaev ta boldy. Sot otyrysy onlaın rejımde ótti, al aıyptalýshylar Astananyń tergeý ızolátorynda boldy. Artynsha olar Almatyǵa jetkiziletini belgili boldy. 

Gúlmıra Satybaldyǵa Qylmystyq kodekstiń 126-baby "Zańsyz bas bostandyǵynan aıyrý" boıynsha aıyppen qosa, asa aýyr qylmys jasady degen aıyp taǵyldy: Qylmystyq kodekstiń 194-babynyń 3-bóligi "İri mólsherde múlik alý maqsatynda jasalǵan qorqytyp alýshylyq". Bul bap asa aýyr bolyp esepteledi jáne ol boıynsha aıyptalýshy alqabılerdiń qatysýymen sot ótkizýdi suraýyna quqyly.

Buǵan deıin Gúlmıra Satybaldy men onyń qaramaǵyndaǵylarǵa taǵy bir is boıynsha úkim shyqqan edi. Ol adam urlaǵany men ozbyrlyq jasaǵany úshin kináli dep tanylǵan.

Bul maqala týraly ne oılaısyz?