Tiri bolsam, qazaqqa qyzmet etpeı qoımaımyn!

Álıhan Bókeıhan

"Zań shyqty dep neshe jyl otasqan kúıeýlerine kúıe jaǵyp jatqan áıelderdi Qudaı keshirsin" - aıtysker aqyn

20 maýsym 2024 567

Elge belgili aıtysker aqyn Sara Toqtamysova Turmystyq zorlyq-zombylyqqa qarsy zań jobasyna qatysty pikir bildirdi.Aqyn óz sózinde zań shyqty eken dep kúıeýlerine jala jabatyn áıelder de boı kórsetip jatqanyn aıtty. Bolǵan jaıtty jurtqa jaıyp, jónsiz-jobasyz kúıeýine qara kúıeni jaǵyp, ózi sútten aq, sýdan taza bolatyn áıelder áreketiniń durys emes ekendigin jetkizdi, dep habarlaıdy Alash.KZ ulttyq portaly. 

Aıtysker aqyn jubaılyq ómirdiń túrli sátteriniń bárin ınstagramǵa sala berýge qarsy:

Qazir bizge bireýdiń ómiri óte qyzyq. 24 saǵattyń 18 saǵatynda «áıeli bylaı depti», «kúıeýi ne jaýap berdi eken» bóten otbasynyń paraqshasyn ańdýmen otyramyz . Jubaılyq ómirdiń túrli sátteri bolady ǵoı. Sonyń bárin ınstagramǵa sala berýge qarsymyn óz basym. Qazir áleýmettik jelide otbasylyq ómirdi talqylaý jeldeı esip ketti.
Men zorlyq-zombylyq, uryp-soǵý degenge túbegeıli qarsymyn. «Qarsy emespin» deıtin áıel joq shyǵar. Qısyq qabyrǵańnan jaratylǵan jandy óz álemińe saı etip túzep alam deý eń aqymaq erkektiń qaǵıdasy. Ony uryp-soǵyp tárbıeleı almaısyń. Eger áıeliń kózińe jyn bop kórinse, basqa jolyn tap. Odan ba bosata sal. Uryp-soǵyp, áke-sheshesinen boqtap jónge salý degen bos áýreshilik. Áıelge qolyn tıgizip, áke-sheshesinen boqtaǵan kúni erkek óziniń «erkek» degen qunyn túsirip alady. Osyny oılańdar, azamattar.

Sara Toqtamysova óz jazbasynda zańdy arqalanyp pálen jyl otasqan kúıeýlerin halyq jaýy qusatyp ustap berip jatqan áıelderdiń de boı kórsetip jatqanyna qynjylys bildirdi: 

Munyń ekinshi jaǵy bar. Qazaqstanda zań shyqty eken dep pálen jyl otasqan kúıeýlerin halyq jaýy qusatyp ustap berip jatqan áıelder de shyǵyp jatyr. Bizdiń, áıelderdiń, tilimiz óte uzyn. «Qoı» degende qoıa salmaı keı jigittiń tilin shyǵaramyz.

Sondyqtan bolǵan jaıtty jurtqa jaıyp, jónsiz-jobasyz kúıeýine qara kúıeni jaǵyp, ózi sútten aq, sýdan taza bolatyn áıelderdi Qudaı keshirsin. Eshqashan tek bir jaq kináli bolmaıdy, sony sarapqa salyp oılaný kerek dep oılaımyn.
Bireýdiń ómirine aralasyp, pikir jazyp ýaqytyńdy bos ketirmeı, ózińme aınalys,ózińe arna ýaqytty, - dep jazdy aıtysker.  

Bul maqala týraly ne oılaısyz?