Tiri bolsam, qazaqqa qyzmet etpeı qoımaımyn!

Álıhan Bókeıhan

"Záke, keshir. Úıińdi Toqaevqa beremin!". Jelide Maqpal Júnisovaǵa qatysty tosyn vıdeo tarady

08 mamyr 2024 815

Áleýmettik jelide ánshi, halyqtyń erke qyzy Maqpal Júnisovanyń daýsyna uqsas qoldanýshynyń Zamanbek Nurqadilovtyń úıin satatyny jaıly aıtqan vıdeosy tarady. Vıdeoda avtor Zamanbek Nurqadilovtiń rýhymen tildesip, bazynasyn aıtady, dep jazdy Alash.KZ ulttyq portaly. 

"Adyrna" ulttyq portalynyń habarlaýynsha, Beınejazba áýeli Maqpal Júnisovanyń resmı paraqshasyna shyǵyp, keıin óshirildi. Daýys ıesi vıdeodan kórinbeı, kadr syrtynda sóıledi:

"Záke, sen meni keshir. Men sharshadym. Meniń seniń dúnıeńdi saqtap otyrǵanyma 20 jyl bolady eken. Keshir meni. Eger de úkimet seniń dúnıeńdi alyp ketpeıtin bolsa, týǵan týysqandardyń bárine taratyp, myna úıdi satamyn. Maǵan ońaı bolmaı tur. Sol úshin toıǵa baryp júrmin.

Sonymen qatar, Maqpal Júnisovanyń daýysyna uqsas qoldanýshy úıdi saqtaýdyń zor shyǵyn ekenin aıtady:

Aı saıyn sizdiń úıińizdi saqtaý úshin júz myń teńge kerek. Bul jerde biz shomylmaımyz da, saýnaǵa da túspeımiz. Eshqandaı zatyńyzdy paıdalanǵan da joqpyz. Bul úıge gaz júrgizilmegen Záke. 20 jyl boıy eki úıge 210 myń teńgeden tólep kele jatyrmyn. Eki úıge de gaz júrgizilmegen. Men jylaǵym keledi, sharshadym Záke. Osy úıdi Toqaevqa beremin" deıdi vıdeodaǵy Maqpal Júnisovanyń daýsyna uqsas áıel.

Áleýmettik jelide taraǵan vıdeo jeli qoldanýshylarynyń arasynda qyzý talqynǵa túsip jatyr. Biri Júnisovanyń "janyn" túsinýge tyryssa, biri dattap baǵýda.

 

Bul maqala týraly ne oılaısyz?