Tiri bolsam, qazaqqa qyzmet etpeı qoımaımyn!

Álıhan Bókeıhan

Ýtılızasıalyq alymdy joıý - ekologıalyq apat - Sklár

04 maýsym 2024 362

Bul týraly birinshi vıse-premer Roman Sklár Primeminister.kz saıtyna bergen suhbatynda aıtty.

Qazirgi tańda Qazaqstanda 20 mln turǵynǵa shaqqanda 5 mln-nan astam avtomobıl bar. Barlyq kedergilerdi, sonyń ishinde 3 jyldan asqan avtomobılderge tirkeý alymyn alyp tastaý eski mashınalardyń elimizge kóptep jetkizilýine, ekologıalyq jaǵdaıdyń edáýir nasharlaýyna ákelip soǵady, dep habarlaıdy Alash.kz caıty inbusiness.kz ke siltep.

"Adamdardan “Siz osyndaı eski kólikterden bólinetin zıandy gazben demalǵyńyz kele me?” dep suraý kerek. Barlyq pikir eskerilýi qajet. Sondaı-aq bizdiń zaýyttarǵa baryp, onda jumys isteıtin adamdarmen sóılesýge keńes berer edim. Kásiporyndarda lokalızasıa óte joǵary, onyń ishinde bul aýylsharýashylyq tehnıkasyna qatysty: barlyq qondyrmalar, tirkeme jabdyqtary, kabınalar dánekerleý, boıaý, kesý, ıildirý boıynsha tehnıkalyq operasıalar júzege asyrylady.

Bizdiń basty mindetimiz — lokalızasıany arttyrýǵa umtylý. Úkimettiń qazirgi alǵa qoıǵan maqsaty – elimizge múmkindiginshe kóp paıda ákelý úshin ilespe óndiristerdi qurý. Ótken jyly otandyq avtoóndirýshiler 142 myń avtomobıl shyǵardy. Osy jańa kólikterdi satyp alǵandar ýtılızasıalyq alym tólegen joq.

Biz árbir azamat ósý benefısıary bolyp tabylatyn óz óndirisimiz ben ónerkásibimizdiń damýyn yntalandyramyz", - dep atap ótti Roman Sklár.

Bul maqala týraly ne oılaısyz?