Tiri bolsam, qazaqqa qyzmet etpeı qoımaımyn!

Álıhan Bókeıhan

Ýtıllızasıany alyp tastaýdyń qandaı saldary bar? Maman jaýap berdi

31 mamyr 2024 2294

Analıtıka jáne ekonomıka salasyndaǵy sarapshy Qanat Ospanov ýtılmalym daýyna qatysty pikir bildirdi, - dep habarlaıdy Alash.kz

«Keıingi kezderi ýtılalym máselesi qaıtadan qyzý talqylana bastady. Negizi bul máselege qatysty túrli kózqaras bar. Mysaly avtokólik ónerkásibine mamandanǵan «SemAZ» zaýytynyń qyzmetkerleri Qazaqstan úkimetine úndeý jasaǵan. Olar elimizdegi otandyq óndiristi qorǵaý keregin jáne damytý qajet ekenin aıtty. Jumysshylardyń sózinshe, ýtılalymdy alyp tastaýdyń saldarynan olar jumyssyz qalyp qana qoımaı, kólik jasaý salasymen qatar damý múmkindiginen de aıyrylýy múmkin.

Osylaısha, olar basqa tabys kózin izdeýge nemese shetelge jumys isteýge ketýge májbúr bolatynyn basa aıtty.

Demek bul problema olardyń qarjylyq jaǵdaıyna aıtarlyqtaı áser etedi degen sóz. Tipti keıbir belsendilerdiń áreketi úkimettiń ǵana emes, qarapaıym jumysshylardyń da ashýyna tıe bastaǵandaı.

Onyń ústine, «Halyq tabysynyń ósýi jáne ónerkásiptiń damýy úshin» degen petısıa paıda bolǵan. Petısıa avtorlary jergilikti óndiristi damytý jáne qoldaý arqyly kiristi arttyrý qajet ekenin talap etedi.

Petısıaǵa 12 myń adam qol qoıyp úlgergen. Demek bul osy máselede pikirler ártúrli ekenin, jaǵdaı shıelenisip bara jatqanyn kórsetedi.

Ýtılalym - otandyq óndiristi damytýǵa yqpal etetin mańyzdy qural. Biraq bul tólemniń ádil bolýy da mańyzdy. Árıne ishki naryqty qorǵaý da basty ról atqarady. İshki naryqty ımporttyq ústemdikten qorǵaý jáne otandyq óndirýshilerdi yntalandyrý qajet. Otandyq óndiristiń belsendi damýy – eldiń ekonomıkalyq turaqtylyǵy men órkendeýine qol jetkizýdiń negizgi faktory.

Elde sapaly óndiris ornyqqan kezde bul ekonomıka men qoǵamdaǵy kóptegen oń ózgeristerge negiz jasaıdy. Ózimizdiń óndirisimizdiń basqa bireýdi qaıta satýdan artyqshylyǵy - onyń uzaq merzimdi damý men turaqtylyq qabiletinde ekenin atap ótken jón», - deıdi Dalanews.kz saıty Ospanovtyń pikirin.

Sarapshynyń sózinshe. Qazaqstan óndiris bazasyn jańartý men keńeıtýge, qolaıly ınvestısıalyq orta qurýǵa jáne myqty ınjenerlerdi tárbıeleýge kúsh salý kerek.

Bul maqala týraly ne oılaısyz?