Tiri bolsam, qazaqqa qyzmet etpeı qoımaımyn!

Álıhan Bókeıhan

"Ustazdy ólgenshe urǵan". Shymkenttegi akademıa oqytýshysynyń qazasyna qatysty tyń derek aıtyldy

22 mamyr 2024 925

Shymkenttegi Medısınalyq akademıanyń oqytýshysy aýyr soqqydan qaza tapty. Aldyn ala boljamdy málimet boıynsha ony bireýler uryp óltirgen bolýy múmkin degen kúdik bar. Kúdikke ilingen azamat tergeýge tústi, Alash.KZ ulttyq portaly otyrar.kz-ke siltep. 

Portaldyń habarlaýynsha, kósheden ótip bara jatqan adamdar oqytýshyny es-tússiz jatqan jerinen tapqan. Ol 16 mamyr kúni túnde 1967 jylǵy azamat aýyr halde aýrýhanaǵa jetkizilgen. Mamandar mıdyń aýyr jaraqatymen naýqasty jansaqtaý bólimine jatqyzǵanyn aıtady. Bir ókinerligi, marqum komada jatqan kúıinde es jımastan kóz jumdy.

"Naýqasty qabyldaý bólimshesindegi neırohırýrg, travmatolog, hırýrg, reanımatolog tekserip, tekserýden ótkizip, "jabyq bas-mı jaraqaty" dıagnozymen óte aýyr jaǵdaıda, asperasıalyq sındrom, koma 3-pen jansaqtaý bólimine jatqyzdy. Naýqasqa qoıylǵan dıagnoz "Mıdyń aýyr jaraqaty. Jansaqtaý bóliminde naýqasqa qarqyndy emdeý terapıasy jýrgizilip, ókpeniń jasandy jeldetý apparatyna qosyldy. Ókpeni jasandy tynystandyrý apparatyna qosylǵanyna qaramastan jaraqatynyń aýyrlyǵyna baılanysty naýqas es jımastan 20 mamyr kúni saǵat 13:00-de qaıtys boldy", - deıdi hırýrg Madıar Dúısenov.

Qazirshe jaǵa ustatar jaıtqa qatysty áleýmettik jelide eki nusqadaǵy aqparat tarap jatyr. Birinde bilikti ustazdy mektep oqýshysy uryp óltirgen dese, endi biri marqumdy kólik qaǵyp ketken bolýy múmkin deıdi. Al polısıa atalǵan iske qatysty qylmystyq is qozǵalyp, kúdikti anyqtalǵanyn málimdedi. Al ózge aqparat tergeý múddesine oraı jarıa etilmeıtini aıtyldy.Shymkent polısıa departamentiniń baspasóz qyzmeti buǵan qatysty:

"Atalǵan jaıt boıynsha qylmystyq is qozǵaldy. Kúdikti anyqtaldy. Saraptama taǵaıyndaldy. Bolǵan oqıǵanyń mán-jaıyn anyqtaýǵa baǵyttalǵan tergeý áreketteri júrgizilip jatyr", - deıdi 
Bul maqala týraly ne oılaısyz?