URAN
Qazaǵym, qaqtyqpa, qamalma!
El bolar qamyńdy amalda!
Ketti tún, atyp tań, shyǵyp kún,
Sal maldy, sal jandy, aıanba!
Mal baqqan, jaı jatqan el edik,
Beınetti kóp tartqan er edik,
Qany jat, tili jat, dini jat
Jat elden taıaqty jep edik.
Jatqa jem baı edik, ken edik,
Baǵyn joq bılikten kim edik,
Partıa surqıa, qym-qıǵash,
«Basy aman» kóp nadan sen ediń.
Zaryqqan, talyqqan shaǵyna
Tap boldy bostandyq baǵyna!
Uıymdas, urandas, jaǵalas!
Sen de min babannyń taǵyna!
Qunyń joq, qorlyqta óship eń,
Terezeń tóremen boldy teń.
Namystan, qaırattan qatarǵa en
Basqadan kem bolǵan seniń neń?
Uranym, qorǵanym, sen Alash!
Jolyna kurmaldyq mal men bas!
Óner tap, órge shap, qarý at.
Allalap alǵa bas, al Alash!!!
Júsipbek Aımaýytuly
