Májilis eks-depýtaty, Májilistiń eks-spıkeri Nurlan Nyǵmatýlınniń egiz-baýyry Erlan Nyǵmatýlın Qazaqstannan ushyp ketti.
Bul týraly «ABZHAN NEWS» telegram-arnasy habarlaıdy.
«17 mamyrda Erlan Nyǵmatýlın Qazaqstannan shyǵyp ketti, dep habarlady derekkóz. Onyń aıtýynsha, ol Germanıaǵa ushyp ketken. Onyń ketýine UQK tyıymyna qaramastan bireýler alyp tastaǵan degen aqparat bar» delingen habarlamada.
Eske salsaq, májilistiń eks-spıkeri Nurlan Nyǵmatýlın eks-prezıdent Nursultan Nazarbaevtyń nemere inisi Qaırat Satybaldy qamaýǵa alynǵannan keıin naýryzdyń ortasynda Qazaqstannan ushyp ketti.
Derekkóziniń habarlaýynsha, Nyǵmatýlın Nur-Sultannan Atyraýǵa jeke ushaqpen bardy. Sodan keıin birden Comlux kompanıasynyń ushaǵyna minip, baratyn jeri retinde Baký qalasyn tańdaǵan.
Nyǵmatýlınniń elden osyndaı oǵash jolmen ketip qalýy eks-spıkerdiń izin jasyrmaq bolǵanyn kórsetýi múmkin.
Ǵalamtordan jáne derekkózden belgili bolǵandaı, Nyǵmatýlınder otbasynyń jeke ushaǵy bar jáne ol onymen Dýbaıǵa, tipti Londonǵa da ońaı usha alatyn.
Alaıda, onyń aıtýynsha, Nyǵmatýlın osyndaı kúrdeli baǵytty ózi tandaǵan. Aldymen Atyraýdy, keıin Bakýdi tańdaǵan. Keıin Ázirbaıjan astanasynan kez kelgen elge, bálkim, basqa tólqujatpen ushýǵa múmkindik bolatyndaı istegen.
Buǵan deıin Telegram arnalarynda Nyǵmatýlınniń qashyp ketkeni týraly aqparat taraǵan bolatyn, biraq ol rastalmady.
Derekkóz
