Jańadan qurylyp jatqan Ulytaý oblysyna Jezqazǵan, Qarajal, Sátbaev qalalary, Jańaarqa men Ulytaý aýdandaryn engizý usynyldy. Oblys ortalyǵy Jezqazǵan qalasy bolady. Al Qaraǵandy oblysynyń quramynda Qaraǵandy, Balqash, Saran, Temirtaý, Shahtınsk, Prıozórsk qalalary, buǵan qosa jeti aýdan: Abaı, Aqtoǵaı, Buqar jyraý, Qarqaraly, Nura, Osakarov jáne Shet aýdandary qalady. Bul jóninde Qaraǵandy oblysy ákimdiginiń resmı saıty habarlady.
Oblystyq máslıhattyń kezekten tys sesıasynda oblystyń jańa ákimshilik-terrıtorıalyq bólinisi talqylanǵan.
Aqparatqa qaraǵanda, ǵylymı saraptama júrgizilip, ǵalymdar oblysty bólýdiń durys sheshim ekenin rastaǵan. Qazir "ekonomıkalyq esepteýler júrgizilip jatyr". Úkimetke Qaraǵandy oblysynyń shekarasyn ózgertý usynylady. Shemalyq karta jobasy ázirlengen.
Prezıdent Qasym-Jomart Toqaevtyń naýryz ortasyndaǵy halyqqa joldaýynan keıin Qazaqstanda taǵy úsh oblys paıda bolatyny belgili bolǵan: Shyǵys Qazaqstan oblysynyń Semeı aımaǵynda – Abaı oblysy, Qaraǵandy oblysynyń Jezqazǵan óńirinde – Ulytaý, Almaty oblysy aýmaǵynda Jetisý oblysy qurylady.
Buǵan deıin úsh oblys maýsym aıyna deıin qurylýy múmkin ekeni habarlanǵan.
