Tiri bolsam, qazaqqa qyzmet etpeı qoımaımyn!

Álıhan Bókeıhan

Ult ulylarynyń ónegesi ulyqtalǵan kún. «ALASH amanaty» atty kezekti qoǵamdyq leksıa ótti

05 maýsym 2024 394

Mamyr aıynyń 31-shi juldyzynda SANA FOUNDATION uıymdastyrýymen «ALASH amanaty» atty kezekti qoǵamdyq leksıa ótti. Shara saıası qýǵyn-súrgin qurbandaryn bir mınýt únsizdikpen eske alýmen bastaldy. Kezdesý buryn sońdy uıymdastyrylmaǵan formatta, Alash zıalylary týraly qyzyqty tarıhı oqıǵalar, olarǵa baılanysty sońǵy zertteýler men Alash Orda mesenattary jáne taǵy da basqa ózekti taqyryptar qamtydy, dep habarlaıdy Alash.KZ ulttyq portaly.

Jalpy sany 240 adamdy qamtyǵan shara kórermenniń kóńilinen shyǵyp, 4 saǵattan asa jalǵasty. Aıta keterligi, keshke Ahmet Baıtursynulynyń urpaǵy Amandyq Shaımerden myrza da kelip, óziniń úlken baǵasyn berdi.

Ashyq alańda halyqpen kezdesýge teatr jáne kıno akteri - Baıǵalı Esenalıev, alashtanýshy, «Qyr balasy» Qoǵamdyq Qorynyń negizin qalaýshy  - Eldos Toqtarbaı, «Mirjaqyp. Oıan qazaq», «Ahmet. Ult ustazy» fılminiń prodúseri, rejıseri - Aısaýle Ábilda, Murat Esjan syndy qoǵam qaıratkerleri spıker boldy.

«Ahmet. Ult ustazy» fılminde basty róldi somdaǵan Baıǵalı Esenalıev akter úshin árbir róldi somdaýda, sol bir ról ıesindeı tynystaý keregin aıtyp, túsirilim barysyndaǵy este qalarlyq sáttermen bólisti. Ulttyq kodty quratyn ulttyq ıdeologıa ekenin aıta otyryp, fılmnen Ahmet ult ustazynyń sózin keltirdi:

«Adamnyń ıdeıasy bolý kerek. Sol ıdeıa tiri bolsa, adamnyń da ólmegeni. Mine, mazmun! Ulttyq ıdeıa degen osy!», - dedi. Sondaı-aq, qazir qoǵamǵa Abaıdy zerttegendeı Muhtarlar keregin aıtty. Sol kezde Alash amanaty qaıta qoldanysqa enetin bolady.

Prodúser Aısaýle Ábilda álem ınfrastrýktýrasy men Djek London syndy ádebıeti ókilderimen Alash qozǵalysyn qatar salystyra jasaǵan zertteýimen bólisti. Bir tulǵanyń búgin jasaǵan jaqsylyǵy - erteńgi urpaqtyń qatardan qalmaı ómir súrýine sebep. Ony teń emes jáne salystyrýǵa kelmeıtin jaǵdaılar negizinde jasalǵan jumystaryn qunsyzdandyrýǵa bolmaıdy. Bunymen kúresýdiń jalǵyz joly - óz ultyńnyń zıalylaryn tolyq taný, olardyń erlikterin túsiný jáne keler urpaqqa dáripteý.

«Alash elıtasy: ulttyq ıntellıgensıa, mesenattyq korpýs» týrasynda sóz sóılegen belgili alashtanýshy Eldos Toqtarbaı qazaqtyń ult zıalylary - naǵyz elıta ekenin atap óte kele, sol ult zıalylarynyń barlyq jaǵdaıyn jasap bergen sol zamannyń baılarynyń mesenattyq korpýsynyń myqtylyǵyn tilge tıek etti.

Mesenattyq korpýs sol kezdiń ózinde fılantroptyq deńgeıge jetip, qazaq baılarynyń el bolashaǵy jolynda júrgen azamattardy qoldaýynyń mańyzdylyǵyn kórsetti. Alashtanýshy, óz kezeginde, ulttyq – áleýmettik mańyzy bar jobalardy qarjylandyrǵan baılar syndy búgindegi kásipkerlerdiń de úlken mańyzy baryn basyp aıtty.

Qoǵam úshin búginde ulttyq rýhty oıatý bárinen mańyzdy ári bıik ekenin aıta otyryp, osy maqsatta ult zıalylarynyń eren eńbekterin oqýdy toqtatpaý kerek. Ár iste óz salańnyń myqty mamany bolýǵa shaqyrǵan Eldos Toqtarbaı ult kósemderin maqtan tutyp, olardyń aıtylmaı jatqan barlyq qyrlaryn tolyq ashyp, jastarǵa ónege-ósıet qylýǵa shaqyrdy.

Sonymen qatar, shara demeýshileri qatarynda Otandyq keńse ónimderin óndirýshi Olja Peak kompanıasy, «Ahmet Baıtursynov. Sońǵy úkim» fılminiń atqarýshy toby «Ulttyq kınony qoldaý memlekettik ortalyǵy» Kazakh Cinema boldy.

Eske salsaq shara uıymdastyrýshysy SANA FOUNDATION –  qazaq kásipkerligi men ǵylymyn trendke aınaldyrý jolynda jumys jasap jatqan Qoǵamdyq Qor. Qor kásipkerlik sanany qalyptastyryp, bilim – orta – ózgeris qundylyqtaryn basshylyqqa alady. Ortaq alań bola otyryp, SANA FOUNDATION aǵartýshylyq jolynda birqatar jumystar atqarýda.

 

 

Bul maqala týraly ne oılaısyz?