Tiri bolsam, qazaqqa qyzmet etpeı qoımaımyn!

Álıhan Bókeıhan

Uly Abaıdyń ákesi Qunanbaı Óskenbaıulynyń 220 jyldyq mereıtoıy ataldy

16 maýsym 2024 248
Bıyl Qazaq tarıhynda eleýli iz qaldyrǵan kórnekti tarıhı tulǵa, uly Abaıdyń ákesi, qara qyldy qaq jarǵan bı, qoǵam qaıratkeri, úsh júzge aty málim Qunanbaı Óskenbaıulynyń týǵanyna 220 jyl toldy. Mereıtoı qazaq ádebıetiniń alyby Abaı jurtshylyǵynda, kıeli Qaraýylda atap ótildi, dep habarlaıdy Alash.KZ ulttyq portaly. 
 
Mereıtoı jylynda Qaraýylda Abaı jurtshylyǵy bastamashy bolyp, isker azamattar qarjylyq qoldaý jasap, Qunanbaı qajy meshiti salyndy. Sonymen qatar, aıbynyn asqaqtatar sáýletti eskertkish turǵyzyldy. Búginde qasıetti Abaı elinde Qunanbaı baba rýhyna arnap aıtýly as berilip jatyr.

Mereıtoı aıasynda respýblıkalyq qólónershiler baıqaýy, at báıgesi uıymdastyrylǵan. Ulttyq kúresten dúbirli saıystar ótip jatyr. Qaraýylda aqyndar Qunanbaıǵa arnalǵan óleń-jyrlaryn oqydy. Al kórnekti tarıhshylar men ádebıetshiler Semeıde bas qosyp, halyqaralyq deńgeıde Qunanbaı Óskenbaıulynyń tarıhı tulǵasyn, bekzada bolmysyn tanytyp, ulyqtaý ústinde. Abaı oblysy ákiminiń orynbasary Ádilbek Musabaev mereıtoıǵa qatysty: 

"Bul toıdyń ereksheligi – 500 balanyń bir ýaqytta ashamaıǵa otyryp, jeńimpazdarǵa júlde qorlary qazaqy dástúrmen "úıirimen úsh toǵyz" bolyp berilýinde. Endeshe, osynaý mereıli kúni qasıetti Abaı elinde ulylar rýhyna taǵzym etip, dala danyshpany Qunanbaı babaǵa qurmet pen qoshemet kórsetý – barshamyzdyń adamshylyq boryshymyz dep bilemiz" - dep pikir bildirdi.  

Naqtylap óteıik, mereıtoı qarsańynda Semeıde Qunanbaı Óskenbaıulynyń 220 jyldyǵyna arnalǵan «QUNANBAI ÓSKENBAIULY: TULǴA, TARIH, FENOMEN» Halyqaralyq ǵylymı-tájirıbelik konferensıasy ótti. Ǵylymı jıyndy Abaı oblysy ákimdigi, Shakarim University, Abaı mýzeıi birlese uıymdastyrdy.
Bul maqala týraly ne oılaısyz?