Tiri bolsam, qazaqqa qyzmet etpeı qoımaımyn!

Álıhan Bókeıhan

Ýkraına jeńilse, Reseıge qarsy AQSH ásker kirgizedi - Hakım Djeffrıs

06 mamyr 2024 481

Ýkraına qulaǵan jaǵdaıda AQSH-qa qarýly kúshterin engizý arqyly qaqtyǵysqa aralasýǵa týra keledi, dep jazady alash.kz saıty inbusiness.kz saıtyna siltep.

"Biz Ýkraınanyń qulaýyna jol bere almaımyz, óıtkeni ol jeńilgen jaǵdaıda, Amerıkanyń aqshamen ǵana emes, áskerı kúshpen de qaqtyǵysqa túsýine týra keledi", — dedi Amerıka kongresiniń ókilder palatasyndaǵy demokratıalyq azshylyqtyń jetekshisi Hakım Djeffrıs CBS News-ke bergen suhbatynda.

Onyń pikirinshe, AQSH-tyń Respýblıkalyq partıasynda reseıshil fraksıa kúsheıip keledi, onda Ýkraınany qoldaǵysy kelmeı, "bizge belgisiz sebeptermen Reseı AQSH-tyń jaýy emes dep sanaıtyndar" qatary ósken. Sondaı-aq, Djeffrıs Ókilder palatasynda Reseıdiń jalaýyn kóterip júrgender tobyn respýblıkalyq kongresvýman Mardjorı Teılor Grın basqarady dep málimdedi.

Aqpan aıynda Fransıa prezıdenti Emmanýel Makron batys elderiniń basshylary Ýkraınaǵa ásker jiberý múmkindigin talqylaǵanyn aıtty. Ol ortaq sheshimge áli kele almaǵandaryn moıyndaǵanymen, "bári múmkin" ekenin eskertti. Keıinirek Kremlde Máskeýdiń Makronnyń Eýropada Ýkraınaǵa ásker jiberý taqyryby talqylanǵany týraly sózderine nazar aýdarǵany, onyń Reseıdi Ýkraınada strategıalyq jeńiliske ushyratý  týraly ustanymy da belgili ekeni habarlandy.

Reseı Federasıasynyń Qorǵanys mınıstri Sergeı Shoıgý telefon arqyly fransýz áriptesi Sebastán Lekornǵa fransýz áskerlerin Ýkraınaǵa jiberý Fransıanyń ózine qıyndyq týǵyzatynyn aıtty.

Bul maqala týraly ne oılaısyz?