Álem saıasaty myń qubylyp tur. Ýkraına prezıdenti Vladımır Zelenskıı Reseı Prezıdenti Vladımır Pýtınniń “senimsiz adam” ekenin jáne ýkraındar Reseı Federasıasyna berilmeıtinin taǵy qaıtalady.
Bul týraly Zelenskıı brazılıalyq jýrnalıserge bergen suhbatynda málimdedi.
“Maǵan senińiz, Pýtın bizden qatty qorqady, men oǵan senimdimin. Óıtkeni ol ózine senimsiz adam. Úlken armıasy bar, úlken memleketi bar senimdi adamdar álemdi ıadrolyq qarýmen qorqytpaıdy, erjúrek adamdar órkenıetke, Jerdiń tirshiligine, barsha tirshilik ıelerine ıadrolyq qarýmen qaýip tóndirmeıdi. Sondyqtan men úshin bul "túrdiń" psıhotıpi anyq. Osyny túsine otyryp, biz óz ustanymymyzǵa berik bolýymyz kerek”, – deıdi ol.
Ýkraına prezıdenti óz eliniń Eýropalyq Odaqqa kirý josparynan bas tartpaıtynyn atap ótti jýrnalıser aldynda. Buǵan qosa, ol Ýkraınanyń sheginbeıtinin de jetkizdi.
“Pýtın úshin – jeńis basqa halyqtar men basqa da táýelsiz elderdi joıý arqyly Keńes Odaǵyn qalpyna keltirý degen sóz. Sondyqtan Ýkraına eshqaıda sheginbeıdi. Kóreıik, bizde tıisti tehnologıalar bar, biz seriktesterden jetkizilim bolýy úshin kúresip jatyrmyz. Barlyǵy ońaı emes, eıforıa joq. Biraq eshkim qol qýsyryp otyrmaıdy”, – deıdi Zelenskıı.
