Soǵys bastalǵaly beri Ýkraına aýmaǵynda keminde 4113 beıbit turǵyn qaza bolǵan, 264-i – bala. Bul jóninde BUU-nyń adam quqyqtary jónindegi joǵarǵy komısar keńsesiniń habarlamasynda aıtylady.
Donesk jáne Lýgansk oblysynda uzyn sany 2337 adam qaza bolǵan, 144-i – reseıshil separatıster baqylaýyndaǵy aýdanda turǵan.
Soǵys kezinde 5 myńǵa jýyq adam jaralanǵan, 421-i – bala. Qaza bolǵandar men jaralanǵandardyń basym bóligi áýe soqqysy kezinde nemese atqylaýlar kezinde opat bolǵan nemese jaralanǵan.
BUU pikirinshe, qaza bolǵandar budan da kóp, sebebi kóp habarlama áli tekserilmegen. Urys júrip jatqan aımaqtan aqparattar keshigip jetedi. Bul beıbit turǵyndary qyrǵynǵa ushyraǵan Marıýpol, Izúm, Popasnaıa sıaqty eldi mekenderge qatysty.
