Tiri bolsam, qazaqqa qyzmet etpeı qoımaımyn!

Álıhan Bókeıhan

Úkimet basshysy Bektenov taksı júrgizýshilerin “aqshaǵa qunyqqan” dedi

14 mamyr 2024 631

Úkimet basshysy Oljas Bektenov úkimet otyrysynda taksı qyzmetkerlerin synǵa aldy, dep habarlaıdy Alash.kz.

 

Úkimet basshysynyń aıtýynsha, jalpy eldiń týrısik salasyna tartylǵan ınvestısıa kólemi aıtarlyqtaı arta túskeni baıqalady. Máselen, byltyrǵy jyldyń qorytyndysy boıynsha bul kórsetkish 53% ósken. Dese de, keıbir óńirlerde ınvestısıa tartý deńgeıi kerisinshe tómendep ketken.

– Olardyń qatarynda Atyraý, Qaraǵandy, Jetisý, Pavlodar, Aqmola jáne Batys Qazaqstan oblystaryn atap ótýge bolady. Bul óńirler tarıhı-mádenı muralarǵa baı ári kórikti jerler de kóp. Demek, ákimdikterde bul baǵyttaǵy jumysqa tıisti yqylas joq degen sóz. Memleket basshysy ınfraqurylymdy keshendi túrde damytyp, servıs sapasyn túbegeıli jaqsartýdy tapsyrdy. Óıtkeni, dál osy problemalar týrızmniń damýyna tusaý bolyp otyr, – deıdi ol.

Bektenov báseke joq jerde, servıs sapasy da aqsaı beretinin aıta kele týrısik bızneste «demalýǵa qaıtse de keledi» degen qarabaıyr túsinik qalyptasqanyn aıtady.

– Dál osyndaı kózqaras elimizdiń týrısik ımıjine nuqsan keltiredi. Áýejaıdan shyqqan sheteldik týrıs birden aqshaǵa qunyqqan taksı júrgizýshilerine kezigedi. Olardyń oılaǵany qonaqty baratyn jerine qaýipsiz jetkizý emes, barynsha qomaqty aqsha alyp qalý. Vokzaldar men áýejaılarda órkenıetti kólik túrimen qamtamasyz etý týraly ákimdikterge qansha ret tapsyryldy, biraq áli kúnge deıin nátıje joq. Biz mundaı tásilderdi ózgertpeıinshe, syrtqy týrızm keńinen tanymal bolyp qala beredi. Bul rette, Qazaqstannyń tabıǵaty men ásem jerleri elimizde ekologıalyq, mádenı, zıarat etý jáne emdik-saýyqtyrý týrızmin damytýǵa zor múmkindik beredi, – deıdi ol.

Bul maqala týraly ne oılaısyz?