Tolassyz jaýǵan nóser men daýyldyń saldarynan Dýbaıdy sý basyp, shólde ornalasqan qala sý astynda qaldy, dep habarlaıdy Alash.KZ ulttyq portaly.
Khaleej Times gazetiniń jazýyna qaraǵanda, tabıǵattyń tosyn minezinen keıin metro jumysy buzylǵan. Abý-Dabı men Dýbaıdaǵy kóptegen ǵımarat pen aýdandarda elektr jáne sýmen jabdyqtaý qurylǵylary men jelileri isten shyqqan.
Aýa raıynyń qubylmaly jaǵdaıynda Dýbaı memlekettik qyzmetkerler men jeke mektep oqýshylary úshin qashyqtan jumys isteý merzimin uzartqany aıtyldy.
Sonymen qatar, bılik jeke kompanıalardy qyzmetkerlerge úıden jumys isteýge jáne jumysshylardyń qaýipsizdigin qamtamasyz etýge múmkindik berýge shaqyrdy.
Keıbir aýdandarda Dýbaı turǵyndarynyń bıiktigi tizege jetetin sýdy keship, ótip bara jatqanyn kórýge bolady. Olardyń kópshiligi shalbaryn orap, sý basqan joldy kesip ótip jatyr. Basylym málimeti boıynsha, adamdar baısaldy, óıtkeni týra osyndaı jaǵdaı qalada ótken aıda da bolǵan.
Qalada áýe reısteri toqtatylady jáne keshiktiriletini habarlanǵan. Sonymen qatar, Ras-El-Haıma ámirliginiń kólik basqarmasy turǵyndarǵa qalalyq jáne qalaaralyq avtobýs qyzmeti ýaqytsha toqtatylatynyn málimdedi.
