Tiri bolsam, qazaqqa qyzmet etpeı qoımaımyn!

Álıhan Bókeıhan

Turlyhanovtyń uly aıyppulmen qutylmaıtyn sıaqty

12 sáýir 2024 304

Májilis depýtaty Turlyhanovtyń uly Bolat Nurasyldyń isi boıynsha joǵarǵy sottyń sot alqasy sot aktisin qaıta qaraýǵa negiz tapty. 

“Mańyzdy kezeń ótkerildi. Biz sotty kútip, ádil jaza beriledi dep úmittenemiz. Eske sala keteıin, ol – osy bap boıynsha aıyppul arqalaǵan jalǵyz adam. Tipti eń tómengi deńgeıden az. 500 AEK ǵana. Buzaqylyq nıetpen eki adamnyń densaýlyǵyna ortasha aýyrlyqtaǵy zıan keltirgen adamǵa 1,7 mıllıon teńge aıyppul salynbaýy kerek! Elimizde adam ómiri men densaýlyǵyna qol suǵylmaý kerek”, – dedi advokat Anna Chernova.

Onyń aıtýynsha, Bas prokýratýra narazylyq bildirýge asyǵar emes.

“Biz sıaqty qarapaıym halyq pen bedeldi memlekettik qyzmetker-depýtattyń balasy arasyndaǵy bizdiń is, meniń oıymsha, áleýmettik teńdik ornatýdyń bastapqy núktesi bolýy kerek. Raqymshylyqqa ilingen eks-mınıstrdiń Saltanattyń ólimimen aıaqtalǵan oqıǵasy qaıtalanbaýy kerek. Jazasyzdyq jańa qylmystarǵa ákelýi múmkin”, – deıdi zańger.

Aıta ketsek, aqpan aıynda zańger Anna Dımıtrıevıch kúıeýi Oleg Chernov ekeýin Dáýlet Turlyhanovtyń uly Nurasyl soqqyǵa jyqqanyn málimdedi. Kóp uzamaı onyń ústinen QR QK-nyń 293-baby “Buzaqylyq” boıynsha qylmystyq is qozǵaldy.

Keıin depýtat ulynyń jasaǵan is-áreketine qatysty pikir bildirgen edi. 

Bul maqala týraly ne oılaısyz?