Tiri bolsam, qazaqqa qyzmet etpeı qoımaımyn!

Álıhan Bókeıhan

Túrkıa saýyqtyrý týrızminen 10 mıllıard dollar tabys tapty

18 sáýir 2022 95
 



Bul elge basqa memleketterden  adamdar tis emdetý, onkologıa jáne plasıkalyq ota jasaý úshin keledi.

Túrkıa qysqa merzimde saýyqtyrý týrızminen 10 mıllıard dollar tabys tapty. Mundaı sandardy Antalıanyń saýyqtyrý týrızmi jáne bilim berý halyqaralyq qaýymdastyǵynyń basshysy Mehmet Kanpolat atady.

Anadolu habarlaýynsha, sońǵy ýaqytta Túrkıa álemniń kóptegen elderiniń turǵyndary arasynda saýyqtyrý týrızmi boıynsha suranysqa ıe boldy. Al qazirdiń ózinde el 2023 jylǵa jarıalanǵan tabys somasynyń sheginen asyp ketti.
— Sheteldikter Túrkıaǵa negizinen tis emdeý, onkologıalyq jáne estetıkalyq ota jasatý úshin keledi. Sońǵy jyldary Túrkıada túrkitildes elderden kelgen naýqastar sany eki esege artqan. Álemdegi saýyqtyrý týrızmi naryǵynyń kólemi 100 mıllıard dollarǵa jetedi. Sońǵy on jyldaǵy ınvestısıanyń arqasynda Túrkıa saýyqtyrý týrızmi salasynda alǵashqy bestikke endi,- dedi Kanpolat.

Sonymen birge ol Ýkraınada soǵys bastalǵannan keıin Túrkıadaǵy emdeý mekemelerine Reseıden kelgen naýqastardyń sany artqanyn atap ótti.

Ol «Reseı Federasıasy men Ýkraına arasyndaǵy soǵys aıaqtalǵannan keıin bul elder azamattarynyń Túrkıada emdelýge degen qyzyǵýshylyǵy joǵary bolady» degen senim bildirdi.





Derekkóz
Bul maqala týraly ne oılaısyz?