Tiri bolsam, qazaqqa qyzmet etpeı qoımaımyn!

Álıhan Bókeıhan

"Týysqandaryn tóńiregine jıdy". Ramzan Qadyrov óziniń 18 jastaǵy ulyn mınıstr etip taǵaıyndady

22 mamyr 2024 580

Ramzan Qadyrov óziniń 18 jastaǵy ulyn Sheshenstannyń sport mınıstri etip taǵaıyndady. Bul onyń respýblıka Úkimetindegi toǵyzynshy týysy sanalady, dep habarlaıdy Alash.KZ ulttyq portaly. 

Ramzan Qadyrovtyń úlken uly Ahmat Sheshenstannyń dene shynyqtyrý jáne sport mınıstri bolyp taǵaıyndaldy. Bul týraly Ramzan Qadyrovtyń ózi málimdedi.

Sońǵy úsh aıda Ahmat Qadyrov jastar isi jónindegi mınıstr qyzmetin atqardy. Bul jerge Sheshenstan basshysynyń taǵy bir týysy Ramzan Vısmýradov keldi ("Azattyq radıosy" aqparaty boıynsha, bul Ramzan Qadyrovtyń kúıeý balasy).

Sol kúni, 21 mamyrda, Qadyrov Sheshenstan úkimetiniń basshysy Mýslım Hýchıevtiń qyzmetinen bosatylǵanyn jáne onyń qyzmetine Isa Týmhadjıevtiń mindetin atqarýshy bolyp taǵaıyndalǵanyn jarıalady. "Kavkaz.Shyndyq " agenttigi Týmhadjıevtiń de Respýblıka basshysynyń kúıeý balasy ekenin dáıektedi. 

BAQ jazýynsha, Sheshenstan basshysynyń Respýblıka mınıstrler kabınetindegi týystarynyń sany toǵyz adamǵa deıin ósti. Onyń ishinde vıse-premer qyzmetin atqaratyn Qadyrovtyń qyzy Aıshat ta bar. 

Bul maqala týraly ne oılaısyz?