Tiri bolsam, qazaqqa qyzmet etpeı qoımaımyn!

Álıhan Bókeıhan

TikTok jabylmaıdy, erejeleri kúsheıtiledi

24 mamyr 2024 200

TikTok tikeleı efırdegi monetızasıany retteıtin jańa erejelerdi, sondaı-aq translátorlarǵa qaýipsiz ári pozıtıvti tikeleı efırler júrgizýge kómektesetin bilim berý resýrstaryn engizedi, dep habarlaıdy Alash.kz.

2024 jylǵy 23 mamyrdan bastap paıdalanýshylar kontentin jaqsartý maqsatynda TikTok platformasynda orys jáne qazaq tilderinde qoljetimdi tikeleı translásıalardy monetızasıalaýdyń jańa erejeleri qoldanyla bastaıdy, sondaı-aq qosymsha bilim berý resýrstary paıda bolady.

Osy Erejelerge sáıkes, keıbir jaǵdaılarda júrgizýshiler Tik Tok LIVE tikeleı efırleri kezinde syıaqy ala almaıdy, mysaly, olardyń mazmuny sapasyz nemese túpnusqa bolmasa. Biraz avtorlar qazirdiń ózinde  erejelerge baǵynǵanymen, TikTok monetızasıa múmkindikterine qol jetkizýdi shekteý týraly eskertý arqyly ereje buzǵandarǵa habarlama jibere bastaıdy. Bul rette TikTok-taǵy ruqsat etilgen mazmunnyń negizgi standarttary, sonyń ishinde tikeleı translásıalar qaýymdastyq erejeleri men TikTok paıdalanýshy kelisimimen anyqtalady dep jazdy inbusiness.kz.

Tik Tok sonymen qatar jańa translátorlarǵa tikeleı efırge qol jetkizý tásilin jetildirýde. Platforma qazirdiń ózinde strımerlerge saladaǵy eń qatań talaptardy qoıady: efırler jasaı alý úshin avtorlar keminde 18 jasta bolýy kerek jáne olardyń shottary qosymsha krıterıılerge sáıkes kelýi kerek. Jaqynda ǵana TikTok-ta efırge shyǵa bastaǵan strımerler monetızasıa múmkindikterine birtindep qol jetkizedi, osylaısha olar platforma erejelerin úırenýge jetkilikti ýaqyt alady. Mundaı qadam tıktokerlerdiń tikeleı efır erejelerin zertteýge qyzyǵýshylyǵyn arttyrýǵa yqpal etedi. Olarǵa kómektesý úshin TikTok sonymen qatar jańa resýrsty, tikeleı efır qaýipsizdigi ortalyǵyn iske qosady, sonymen qatar qoldanbaǵa engizilgen LIVE bilim berý ortalyǵyn jańartady.

Bul maqala týraly ne oılaısyz?