Belgili aqyn Svetqalı Nurjan QasqaJol jobasyna suhbat berip, kóptegen máseleler jóninde oı tolǵady. Suhbattan Nursultan Nazarbaev týraly, Qasym-Jomart Toqaev týraly, Imanǵalı Tasmaǵambetov pen Ábish Kekilbaev týraly birqatar pikirlerdi baıqaýǵa bolady.
– 1996 jyly Shaıyr degen jerde Ábish Kekilbaev aǵamyz bar, kezdesý ótti. Nurjigit Aryqbaev degen aqsaqal «Ábish, shyraǵym, sen basqaryp otyrǵan Parlament oıly, mıly jumys jasap otyr edi. Ne úshin taratty, ne jazyp qoıdyńdar?» dep surady. Kózim tiri men kýámin, basqa da kýálar bar. Sonda Ábish aǵamyz «Bizdiń elge bıyl óte kóp kólemde ınvestısıa quıylady. Sonyń kiris-shyǵys esebin Parlamentke berýdi suradyq. Ony biz qaramasaq, ólip-talyp jetken Táýelsizdigimizdiń tamyryna ózimiz qurt bolyp túsemiz. Jazyǵymyz – osy» dep jaýap berdi. Basynan demokratıalyq qundylyqtar tilde ǵana. Sol jyly bunyń mıllıard dollary bar ekeni anyqtalǵan. Úlken aıǵaı boldy. Halyqtyń aldyna ózin aqtatý úshin Imanǵalı Tasmaǵambetovty shyǵardy. Budan da basqa, mysaly, jer máselesi sıaqty shýly jerlerge Tasmaǵambetovty laqtyryp otyrý ádeti edi. Tasmaǵambetov oǵan adal boldy. sol adaldyǵynan munyń «boǵyna» batýyna týra keldi, – dedi aqyn.
Svetqalı Nurjan Imanǵalı Tasmaǵambetovtyń anasynyń qyrqynda Imanǵalı Nurǵalıulynan saıasattan der shaǵynda nege ketkenin suraǵanyn aıtady. Sonda Tasmaǵambetov «Eki bılik otqanda úshinshi bolyp nesine aralasamyn» dep jaýap beripti.
[embed]https://www.youtube.com/watch?v=_aThjmF6iiU[/embed]Derekkóz
