Tiri bolsam, qazaqqa qyzmet etpeı qoımaımyn!

Álıhan Bókeıhan

Taratyńyz: 44 jastaǵy áıel 6 kúnnen beri tabylmaı jatyr

18 maýsym 2024 521

Aqmol oblysynda 44 jastaǵy áıel adamǵa izdeý jarıalandy, dep habarlaıdy Alash.kz ulttyq portaly.

Aqmola oblysy PD baspasóz qyzmeti habarlaǵandaı, joǵalǵan Gúlnur Ernazarqyzy Dosanovanyń densaýlyǵynda psıhıkalyq aýytqýy bar. Ol 12 maýsym kúni saǵat 13:30 shamasynda úıden shyǵyp, sodan qaıtyp oralmaǵan. Bul týraly Selınograd aýdanynyń Talapker aýylynda turatyn onyń 59 jastaǵy týǵan ápkesi polısıaǵa habarlap aıtty.

Joǵalǵan adamnyń boıy 160-165 sm, dene bitimi aryqsha kelgen. Shashy qara tústi, ıyǵyna túsken. Denesinde erekshe belgileri joq.

Ústine qara tústi shalbar, aq jáne kók jolaqtary bar kók tústi sporttyq kostúm, aq tústi krosovka kıgen.

«Qazirgi ýaqytta joǵalǵan áıeldi izdeýge Selınograd aýdandyq PB jeke quramy, sondaı-aq jaqyn mańdaǵy polısıa bólimderi baǵyttalǵan. Baǵdarlar Astana qalasy men kórshiles oblystardyń PD-na jiberildi. Polısıa qyzmetkerlerinen jáne joǵalǵan adamnyń týystarynan arnaıy izdeý toptary quryldy. Olar taksı jáne avtobýs júrgizýshilerinen, sondaı-aq temirjol vokzaly men avtostansıa qyzmetkerlerinen surastyryp jatyr», — dedi vedomstvodan.

Bul maqala týraly ne oılaısyz?