Tiri bolsam, qazaqqa qyzmet etpeı qoımaımyn!

Álıhan Bókeıhan

"Tapsyrys berýshini bilgimiz keledi". Pýtın Reseıdegi shabýyldy Ýkraınamen baılanystyrdy

26 naýryz 2024 166

Reseı prezıdenti Máskeýde jasalǵan shabýyldy Ýkraınamen baılanystyrdy. Ol muny 25 naýryzda ótken jıynda aıtty. Pýtınniń sózinshe, tergeý tarabynda bul nusqany rastaıtyn dálel joq. 

"Bul qylmysty radıkal ıslamshyldar jasaǵanyn bilemiz... Biraq oǵan qosa, AQSH-tyń óz seriktesteri men álemniń basqa elderin Máskeýdegi shabýylǵa Kıevtiń qatysy joq dep, qandy shabýyldy Reseıde tyıym salynǵan IM uıymynyń (ózin ózi "Islam memleketi" dep ataıtyn terrorlyq uıym - red.) músheleri jasady degenge sendirýge tyrysyp jatqanyn kórip otyrmyz. Reseı men onyń halqyna qarsy bul zulymdyqty kim jasaǵanyn bilemiz. Biz buǵan tapsyrys bergen kim ekenin bilgimiz keledi", – dedi Pýtın.

Ol osy shabýyldy Reseımen "Kıevtegi neonasıstik rejımniń qolymen" soǵysyp jatqandardyń tizbekti shabýyldarynyń "bir bóligi ǵana" dep sıpattady. Pýtın kimdi meńzegenin ashyp aıtqan joq. Budan buryn ol Ýkraınadaǵy soǵysty tutatty dep "ujymdyq Batysty" aıyptaǵan bolatyn.

Reseı basshysy qylmysqa tapsyrys berýshiler týraly suraqqa jaýapty tergeý berýge tıis dep málimdedi. Buǵan qosa Pýtın radıkal ıslamısterdiń Reseıge shabýyl jasaýǵa múddeli bolý sebebin jáne olarǵa "kúlli musylman úshin qasıetti Ramazan aıynda asqan aıýandyq pen qylmys jasaýǵa ne sebep bolǵanyn" anyqtaýdy tapsyrdy.

Bul maqala týraly ne oılaısyz?