Tiri bolsam, qazaqqa qyzmet etpeı qoımaımyn!

Álıhan Bókeıhan

Sıngapýrda ǵylymı kadrlarymyzdy oqytatyn boldyq - Memleket basshysy

31 mamyr 2024 304

Bul týraly búgin Qazaqstan Prezıdenti Q.Toqaev ǵalymdarmen kezdesýde aıtty dep, habarlaıdy Alash.kz.

Jıynda Memleket basshysy: 
«Ózderińizge málim, ǵylymǵa bólinetin qarjy udaıy artyp keledi. Bilikti kadrlar ázirleýge arnalǵan grant sany sońǵy jyldary bir jarym ese kóbeıdi.

Qazaqstanda álemniń bedeldi 12 joǵary oqý ornynyń fılıaly jumys istep tur. Kóp uzamaı taǵy birnesheýi ashylady. Zertteý jumystarymen aınalysatyn ýnıversıtetter kóbeıýde. Tehnologıa parkteri jáne ınjınırıń ortalyqtary ashylyp jatyr. Jyl saıyn 500 ǵalym shetelde taǵylymdamadan ótedi. Mınıstrlik jas ǵalymdarǵa myńdaǵan grant bólip jatyr. Munyń bári ǵylymdy damytýǵa oń yqpalyn tıgizedi dep oılaımyn.


Men shetelge saparlarym kezinde ǵalymdarmen jıi kezdesemin. Olardy qazaq ǵalymdarymen tyǵyz baılanys ornatýǵa shaqyramyn. Ótken aptada sıngapýrlyq ǵalymdarmen jáne ondaǵy joǵary oqý oryndarynyń rektorlarymen arnaıy júzdestim. Endi Sıngapýrda ǵylymı kadrlarymyzdy oqytatyn boldyq. Jalpy, Sıngapýr sıaqty ekonomıkasy ozyq elderden kóp nárse úırenýge bolady - dedi.

Postındýstrıaldy dáýirde álemge ashyq bolý jáne ınovasıaǵa umtylý kez kelgen eldiń tabysqa jetýi úshin asa mańyzdy faktor sanalady. Sondyqtan úzdik halyqaralyq tájirıbeni muqıat zertteımiz jáne odan úlgi alamyz. Ozyq tehnologıalar men ıdeıalardy engizemiz» dedi.

Bul maqala týraly ne oılaısyz?