Tiri bolsam, qazaqqa qyzmet etpeı qoımaımyn!

Álıhan Bókeıhan

Sýǵa ketken balany qaısarlyqpen qutqaryp qaldy. 11-synyp oqýshysynyń erligi kópshilikti tánti etti

29 mamyr 2024 260

Astananyń 11-synyp oqýshysy Marlen Kósherbaı erligimen kózge túsip, ózenge batyp bara jatqan búldirshindi qutqaryp qaldy, dep habarlaıdy Alash.KZ ulttyq portaly elorda ákimdiginiń resmı saıtyna siltep.

№52 mektep-gımnazıasynyń 11 «A» synyp oqýshysy Marlen Kósherbaı Aqmola oblysy úıleriniń biriniń qasynda ózenge batyp bara jatqan balany qutqaryp qaldy.

12 mamyr kúni saǵat 11 shamasynda Marlendi qaryndasy oıatyp, ózenge bir balanyń batyp bara jatqanyn aıtady.

Marlen birden úıdiń janyndaǵy ózenge qaraı júgirip, sýǵa batyp bara jatqan búldirshinge kómekke umtylyp, sýdan aman-esen shyǵaryp aldy.



Marlen Kósherbaı – oqýynyń úzdigi, sportpen turaqty aınalysady. Belbeý kúresinen jasóspirimder arasynda Astananyń ashyq birinshiliginde 55 keli salmaqta «altyn» jeńip alǵan, sol sıaqty «Arshaly Barysy» týrnıriniń İİ oryn ıegeri. Bala kezinen kókpar sportyna qatysady.

Beıbit zamannyń batyry óz sózinde kishkentaı balanyń ólim men ómirdiń ortasynda turǵanyn kórgende, oılanbastan kómekke umtylǵanyn aıtty. Búgin Marlen kórsetken erligi men batyldyǵy úshin Astana qalasy bilim basqarmasy men Aqmola oblysynyń TJ departamentiniń atynan marapattaldy.

Ata-analardy balalarynyń qaýipsizdigine jaýapkershilikpen qaraýǵa shaqyramyz.

Bul maqala týraly ne oılaısyz?