Tiri bolsam, qazaqqa qyzmet etpeı qoımaımyn!

Álıhan Bókeıhan

Sýbektıvti pikirlerge jaýap berýge esh negizimiz de joq - Saıasat Nurbek

31 mamyr 2024 298

Ǵylym jáne joǵary bilim mınıstri Saıasat Nurbek Ulttyq memlekettik ǵylymı-tehnıkalyq saraptama ortalyǵynyń basshysy bolǵan Arman Qashqynbekovtyń prezıdentke jazǵan shaǵymyna jaýap berdi, dep habarlaıdy Alash.kz.

Mınıstrdiń jaýaby

– 2023 jyly biz sybaılas jemqorlyq agenttigimen birigip, arnaıy saraptama júrgizdik. Ǵylym salasyn qatysty. 46 adamnan qurylǵan arnaıy brıgada jarty jyl otyrdy. Onyń ishinde ulttyq ǵylymı-saraptamalyq ortalyqtyń da egjeı-tegjeıli jumysy tekserildi. Sonyń arqasynda bizge 105 pýnktten quralǵan arnaıy jol kartasy bekitildi. Sonyń ishinde Qashqynbekov myrza basqarǵan mekemege de birqatar suraq qoıyldy, – deıdi Ulysmedia.kz Saıasat Nurbektiń Senat kýlýaryndaǵy sózin.

Mınıstrdiń sózinshe, jol kartasynyń negizinde ishki aýdıt basqarmasy qyzmeti, ǵylym komıtetiniń qyzmetkerleri atalǵan mekemege osy jyldyń aqpan aıynda arnaıy tekserý komısıasyn jibergen. İshki aýdıt qyzmetkerleri arnaıy esep bergen.

– Sol eseptiń negizinde Qashqynbekov myrza ótken aıdyń basynan bastap qyzmetinen bosatyldy. Endi prezıdentke nemese basqa mekemelerge jazylǵan aqparattardy muqıat oqysańyz, birde-bir naqty fakt keltirilmegen. Kóbinese, sýbektıvti, óziniń jeke pikirleri jazylǵan. Sýbektıvti pikirlerge jaýap berýge esh negizimiz de joq. Naqty faktiler tirkelgen jaǵdaıda tekserý komısıasy sybaılas jemqorlyqqa qarsy kúres agenttigimen birlese jasaǵan saraptama qorytyndysyn berýge daıynbyz, – deıdi Saıasat Nurbek.

Ortalyqqa baılanysty nege áńgime kóp?

– Komısıanyń hattamasynda birqatar qyzmettik quziretine, issaparlaryna baılanysty jazylǵan. Eń bastysy, ortalyq aıasynda osyndaı nege kóp áńgime júredi? Ǵylymı qarjylandyrý jobasy birinshi satyda sol ortalyqtyń saraptamasynan ótedi. Grant jobasy birinshi satyda sol ortalyqtyń saraptamasynan ótedi. Bul saraptamalyq ortalyq ǵylymı jobalarǵa qarajattyń beriletinin nemese berilmeıtinin aıqyndaıdy. Sondyqtan, qyzyǵýshylyq ta, qaýip-qater de óte kóp. Tazalyq, móldirlik – prezıdenttiń tapsyrmasy. Mınıstrliktiń qurylǵan sebebi de sol, – deıdi ol.

Mınıstr óz otstavkasy jaıly ne oılaıdy?

Osylaı shaǵynǵan adamdar Saıasat Nurbektiń otstavkasyn da talap etýi múmkin. Oǵan Nurbek bylaı jaýap beredi.

– Bul sheshimdi tek úkimet qabyldaıdy, prezıdentimiz qabyldaıdy. Biz mınıstrliktiń quzyreti aıasynda qyzmetimizdi jalǵastyramyz, – dedi mınıstr.

Qashqynbekovtyń prezıdentke haty

Eske sala keteıik, buǵan deıin prezıdent janyndaǵy Ulttyq Quryltaı múshesi jáne "ulttyq memlekettik ǵylymı-tehnıkalyq saraptama ortalyǵy" AQ Basqarma tóraǵasy Arman Qashqynbekov Ǵylym jáne joǵary bilim mınıstri Saıasat Nurbektiń quzyretine kúmán keltirgen edi. Ol memleket basshysyna hat jazǵan.

“Meniń sizge júginýime elimizdiń ǵylymdy basqarý salasyndaǵy qalyptasqan ahýal sebep boldy. QR Ǵylym jáne joǵary bilim mınıstrliginiń (budan ári - QR UÁQ), mınıstr S. N. Nurbektiń, sondaı - aq vıse-mınıstr D. J. Ahmed-Zakıdiń, Ǵylym komıtetiniń tóraǵasy G. Janqýatovtyń saýatsyz jáne kásibı emes jumysy bar, ol ǵalymdardy granttyq qarjylandyrý boıynsha turaqty irkilisterge, memlekettik ǵylymı-zertteý jumystarynyń merzimderi boıynsha kidiristerge ákeledi. Ǵylymı qoǵamdastyqtyń usynystary men syn – eskertpelerin elemeý, "kelispeıtinderge" psıhologıalyq shabýyldar jasaý, naqty damý saıasatynyń bolmaýy,” - delingen úndeý mátininde. 

Qashqynbekovtiń sózinshe, qarjylandyrý kólemi edáýir ulǵaıǵanyna qaramastan (2022 jyly-56 mlrd. teńge., 2023-156 mlrd. tg) ekonomıkanyń naqty sektoryndaǵy ǵylymı jobalar iske aspaıdy, "kóbine esep berý úshin qaǵaz júzinde ǵana qalady". 

Bul maqala týraly ne oılaısyz?