Tiri bolsam, qazaqqa qyzmet etpeı qoımaımyn!

Álıhan Bókeıhan

Sý tasqyny: Oraldyq turǵyndar úshin evakýasıalyq pýnktter ashyldy

28 naýryz 2024 268

Oral qalasynda turǵyndardy evakýasıalaý úshin qala boıynsha evakýasıalyq pýnktter anyqtaldy, dep habarlady qala ákimdiginiń baspasóz qyzmeti.

Qazirgi ýaqytta halyqty ornalastyrý úshin 3 evakýasıalyq pýnkt jasaqtaldy. Olar - «Derkól» mádenıet úıi, «Atameken» balalar men jasóspirimder ekologıa ortalyǵy jáne Zashaǵan kentindegi Aqan seri 47/1 mekenjaıy boıynsha salynǵan 9 qabatty úıdiń birinshi qabatyndaǵy oryndar. Bul evakopýnktter jatyn oryndarmen, tósek quraldarymen jáne ózge de kerekti zattarmen qamtamyz etildi. Budan bólek qajet bolǵan jaǵdaıda Jastar mádenıet saraıy, «Altyn Orda» mádenıet úıi jáne «Oral» sport klýbynyń ǵımarattarynda evakýasıalyq pýnktter jasaqtalady.

«Qazirgi tańda atalǵan evakopýnktterge adamdar ornalastyryla bastady. Olar ystyq tamaqpen, birinshi qajetti gıgıenalyq quraldarmen qamtyldy. Sonymen qatar sý basý kezinde zardap shekkenderdi ýaqytsha ornalastyrý úshin oblys ortalyǵynyń 6 qonaq úı keshenderimen nıet-sharttar jasaldy. Budan basqa qalamyzda ornalasqan týrısik lagerler jáne sport nysandarynyń tizimi jasaqtaldy. Jaıyq, Shaǵan, Derkól ózenderi kóterilip, saıajaılardy sý basqan jaǵdaıda turǵyndardy sol nysandarǵa ornalastyrý josparlanýda», - delingen habarlamada.

Bul maqala týraly ne oılaısyz?