Tiri bolsam, qazaqqa qyzmet etpeı qoımaımyn!

Álıhan Bókeıhan

Sý jańa Sıfrlyq damý mınıstri - áıeli bıznes-ledı, qaıyn atasy depýtat

07 mamyr 2024 1037

Sıfrlyq damý mınıstri bolyp qylshyldaǵan 40 jastaǵy Jaslan Mádıev jaıǵasty. Ol barǵan salasymen tanys – buryn da sol mınıstrlikte eńbek etken. Baǵdat Mýsınniń birinshi orynbasary bolǵan. alash.kz saıty Ulysmedia.kz - ke silteme jasap, jańa mınıstrdiń kim ekenin zerttep kórdi.

Jaslan Mádıevtiń atyshýly janjaldarda aty shyqpaǵan dep, jazady Ulysmedıa. Joǵary bilimi bar, dıplomynyń birin halyqtyń aqshasyna alǵan. Iaǵnı, Kolýmbıa ýnıversıtetinde "Bolashaq" baǵdarlamasy boıynsha oqyǵan. Onyń búkil mansap joly qarjy salasymen tikeleı baılanysty boldy: Samuryq-Qazynada, Qazaqstan damý bankinde, Ulttyq bankte jumys istedi, Ulttyq ekonomıka vıse-mınıstri boldy. 

Onyń ákesi Hasen Mádıev buryn Qazaqtelekomda jumys istegen, ol da qarjy salasyna jaýapty bolǵan. Ashyq derekkózderde onyń ulttyq kompanıada 2008 jylǵa deıin eńbek etkeni jóninde derekter bar.

Jańa mınıstrdiń aǵasy Oljas Mádıevtiń izi memlekettik satyp alý portalynan tabyldy. Onda ol Almaty qalasy Medeý aýdany ákimi apparatynyń qyzmetkeri retinde belgilengen. Bul – 2020 jylǵy derekter.

Jańa mınıstrdiń jubaıy – Maıra Turǵanova. Májilis depýtaty Dúısenbaı Turǵanovtyń qyzy. Aıtpaqshy, Aqordadan buryn Májilis depýtattary Jaslan Mádıevtiń sıfrlyq damý mınıstri laýazymyna laıyqty dep tanyǵan-tyn. Bul úshin ekonomıkalyq reforma komıteti jaýapty. Ol komıtette jańa mınıstrdiń qaıynatasy joq – ol ekologıa salasymen aınalysady.

Depýtattyń qyzy men jańa mınıstr 14 jyldan beri erli-zaıypty.

Mádıevtiń zaıyby jóninde aqparatty táýelsiz dırektorlardyń ulttyq tizimi portalynan tabýǵa bolady. Onyń sheteldik bilimi de "Bolashaq" baǵdarlamasymen baılanysty. Ol "Báıterekte", AHQO-da jáne "Qashaǵan" qurylymynda jumys istegen.

Sonymen qatar, Maıra Turǵanova da kásipker. Ol  Bateel Kazakhstan kompanıasynyń quryltaıshysy. Bul premıým-klasty shokoladpen qurma óndiretin franshıza. Keńseleri óte qymbat jerlerde ornalasqan: elordadaǵy Tallan Gallery-de, Almatydaǵy Dostyk plaza-da tur. Stats net derekteri boıynsha byltyr kompanıanyń kirisi 2,3 mlrd teńgeni quraǵan.

Durys seriktestik

Mınıstrdiń jubaıynyń taǵy bir tirligi – Keleshek social fund, biraq zańdy tulǵalardyń málimetter bazasynda mundaı qor týraly aqparat joq. Mundaı ataýdy 2GIS tek durys tamaqtaný kafesi, SPA jáne modeldeý agenttigin kórsetedi jep jazdy derekkóz.

Onyń quryltaıshylary Mámı Aınur Qaıratqyzy. Bul Joǵarǵy sottyń burynǵy basshysy Qaırat Mamıdiń qyzy dep boljaýǵa bolady. Aınur Mámı Asqar Jumaǵalıevtiń áıeli. Qazir ol Qazaqstannyń Nıderlandydaǵy elshisi, al 2019 jyldan 2020 jylǵa deıin dál osy sıfrlyq damý mınıstrligin basqarǵan. 

Jańa mınıstrdiń áıeli murajaılarǵa mamandandyrylǵan kompanıaǵa ıe. Bul "Science for all" JSHS. Statsnet derekteri boıynsha ol Tallan Gallery-de ornalasqan.

Osylaısha, jańa mınıstrdiń týystary da myqtylar qatarynan bolyp shyqty. Otbasynyń tabysty bıznesi, Parlamentte qorǵany bar. 

Bul maqala týraly ne oılaısyz?