Tiri bolsam, qazaqqa qyzmet etpeı qoımaımyn!

Álıhan Bókeıhan

Soqqyǵa jyqqan ákimniń ulyna emes, jábir kórgen oqýshy qyzdyń anasyna aıyppul salyndy

02 sáýir 2024 451

Pavlodar oblysynda aýdan ákiminiń uly oqýshy qyzdy soqqyǵa jyqqany týraly aqparat paıda bolǵan edi.  Aqparatty Oqý-aǵartý mınıstrligi rastady. Soqqyǵa jyqqan ákimniń ulyna emes, jábir kórgen oqýshy qyzdyń anasyna 51 688 teńge aıyppul salyndy. Bul týraly Alash.kz málimdeıdi.

Beınebaqylaý kamerasy men mektepte bul jaǵdaıdy kórgen kýágerlerdiń sózin rastaı kele, sot qyzdyń tarapynan balaǵa qorlyq kórsetilgenin aıtty.

Agresıa týdyrǵan qyzdyń ózi degen sheshimge kelgen sot qyzdyń anasyna 51 688 teńge aıyppul saldy.

Sot úkimi boıynsha, sol kúni altynshy synyp oqýshysy fızıka sabaǵyna bara jatqanda, ony jetinshi synypta oqıtyn oqýshy qyz ben onyń qurbysy dálizde kútip alǵan. Qyz onyń túri, kıgen kıimderi týraly kemsitetin sózder aıtyp, ony ótkizbeı qoıǵan, sonymen qatar sómkesindegi sýsynyn tartyp alyp, qaıtarmaǵan. Osydan biraz ýaqyt buryn ol sol mekteptiń tómengi synybynda oqıtyn qaryndasyn "korotyshka" dep mazaq qylǵan.

 

 

Bul maqala týraly ne oılaısyz?