Tiri bolsam, qazaqqa qyzmet etpeı qoımaımyn!

Álıhan Bókeıhan

Soltústik Koreıa kórshilerine qaraı qoqys baılanǵan 150 shar ushyryp, aspannan nájis pen kóń jaýdyrdy

29 mamyr 2024 1009

Soltústik Koreıa Ońtústik Koreıa aspanyna 150-ge jýyq shar ushyrdy. Onyń barlyǵy nájis jáne kúl-qoqyspen toltyrylǵandyǵy anyqtaldy, dep habarlaıdy Alash.KZ ulttyq portaly. 

Ońtústik Koreıa aspanyna jetken sharlardyń keıbiri qondy, al keıbiri áli de aýada qalqyp júr. Sharlarmen tasymaldanǵan zattardyń barlyǵy qoqys pen nájis,plasık ydystar, ultaraq ekeni rastaldy.

"Biz Soltústik Koreıaǵa adamgershilikke jatpaıtyn jáne dóreki áreketterin dereý toqtatýdy qatań eskertemiz", - dedi Ońtústik Koreıanyń Birikken shtab bastyqtary komıteti.

Bul sharlardy jınaý men taldaý jumystaryn júrgizýge Ońtústik Koreıa áskerıleriniń bıohımıalyq shabýyldardyń aldyn alý jónindegi "CRRT" departamenti men jarylǵysh oq-dárilerdiń aldyn alý jónindegi "EOD" departamenti bólimshelerdiń jeke quramy jumyldyryldy.

Ońtústik Koreıa Soltústik Koreıany halyqaralyq quqyqty buzdy jáne Ońtústik Koreıa azamattarynyń qaýipsizdigine eleýli qater tóndirdi dep aıyptap jatyr.

Ońtústik Koreıa áskerıleri qazirgi jaǵdaıdy sheshý úshin Birikken Ulttar Uıymynyń qolbasshylyǵymen birlesip jumys atqaratynyn málimdedi jáne azamattarǵa Soltústik Koreıanyń áýe sharlaryn baıqaǵan jaǵdaıda dereý polısıaǵa habarlasý kerektigin eskertti.

26 mamyrda KHDR Qorǵanys mınıstriniń orynbasary Kım Gvan Ir respýblıka aýmaǵynda Ońtústik Koreıa taratqan úgit materıaldarynyń baıqalǵanyn habarlady. 

Yonhap jyldar boıy Soltústik Koreıadan ońtústikke qashqan adamdar Kım Chen Yndy synaǵan paraqshalary bar áýe sharlaryn KHDR-ǵa qaraı ushyrǵanyn atap ótti.

Seısenbi, 28 mamyrda Seýl KHDR-dan ushyrylǵan áýe sharlarynyń ishinde úgit-nasıhat paraqshalary bar dep boljady. Biraq keıinirek bul qoqys ekeni anyqtaldy.

Eske sala keteıik, Soltústik Koreıa 2016 jyly da Ońtústik Koreıaǵa qoqys artqan sharlar jibergen.

Bul maqala týraly ne oılaısyz?