Tiri bolsam, qazaqqa qyzmet etpeı qoımaımyn!

Álıhan Bókeıhan

Soǵysty toqtatý konferensıasy: Qytaı qatyspaıdy, Reseı shaqyrylǵan joq

31 mamyr 2024 408

Qytaı bıyl maýsymda Shveısarıada ótetin Ýkraınadaǵy soǵysty toqtatý máselesine arnalǵan konferensıaǵa óz ókilderin jibermeıdi. Bul týraly Reuters agenttigi tórt derekkózine súıenip habarlady.

Onyń aldynda Ýkraına prezıdenti Vladımır Zelenskıı jelide Qytaı basshysy Sı Szınpındi samıtke qatysýǵa shaqyrǵan edi. Kıev ony konferensıa dep ataıdy.

Adamdardyń aıtýynsha, Pekınniń sheshimine onyń qoıǵan talaptary oryndalmaǵany áser etken. Olardyń arasynda samıtte "barlyq tarap teń qatysyp, barlyq usynys adal talqylaný" úshin Reseı de, Ýkraına da shaqyrylsyn degen talap ta bar. Buǵan deıin mundaı talapty Qytaı syrtqy ister mınıstrligi de aıtqan edi deıdi "Azattyq".

Konferensıaǵa Máskeýdi shaqyrmady, biraq Shveısarıa qaqtyǵysty retteýge "Reseıdiń proseske qatysýy jón bolatynyna senimdi". Ýkraına bul prosesti Máskeýdiń buzǵanyn qalamaıdy dedi Vladımır Zelenskıı. Araaǵaıyn elder arqyly Reseı ókilderin kelesi kezeńge tartýdy josparlap jatyr degen habar bar. Reseı shaqyrý alǵan jaǵdaıda da kezdesýge qatyspaıtynyn málimdedi, Máskeý Ýkraınadan áskerin shyǵarýdy talqylaýǵa nıeti joǵyn aıtty.

Shveısarıa syrtqy ister mınıstrligi ókiliniń aıtýynsha, samıtke 160-tan astam delegasıa shaqyrylǵan. "70-ten astam memleket beıbit konferensıaǵa qatysatynyn rastady, olardyń basym bóligi – memleket jáne úkimet basshylary deńgeıinde", – dep habarlady mınıstrlik.

Buǵan deıin Bloomberg agenttigi AQSH prezıdenti Djo Baıden saılaý naýqanyna qarajat jınaý sharasyna baılanysty Ýkraına boıynsha kezdesýge bara almaýy múmkin dep jazǵan.

Bul maqala týraly ne oılaısyz?