Tiri bolsam, qazaqqa qyzmet etpeı qoımaımyn!

Álıhan Bókeıhan

Shymkenttik kásipker esekterdi soıyp, bazarǵa satqan ba? (VIDEO)

14 mamyr 2024 435

13 mamyr kúni áleýmettik jelide Shymkentte kásipkerlerdiń biri sapaly et jetkizý úshin iriktelgen esekterdi soıýǵa jibergeni týraly aqparat tarady. Bul týraly Alash.kz Stan.kz saıtyna silteme jasap habarlaıdy.

Shymkenttik er adam qala mańynda soıylǵan maldy saqtaıtyn tıisti oryn joq ekenin jáne ol jerde múldem tazalyq saqtalmaǵanyn aıtty.

“Al endi mine qarańyzdar. Mynaý Qursaı jaqta, kómir jaqta qanshama esek júr. Bul esekter ne ister júr? Mynaý jerden maldarǵa, ıaǵnı esekterge tamaqtyń qaldyqtaryn, jýyndyny beredi. Bárin istep qoıǵan. Aýrýdyń bári qaıdan taraıdy? Osy jerden taraıdy. Qazir munyń ishinde bir ǵana referjýrator istep tur. Qazir ýchastkovyı shaqyrdyq, kelsin. Odan bólek 102-ge de habarlastyq. Medısınalyq ınspeksıa pen veterınarnaıa ınspeksıasyn shaqyryp jatyrmyz”, – dedi qala turǵyny.

Aıta keteıik, refrıjerator – soıylǵan mal etin saqtaıtyn tońazytqysh. 

Sonymen qatar oqyrman esektiń sıraqtary men ishekterin qala mańyndaǵy shuńqyrdan taýyp alǵanyn aıtty.

“Shuńqyrdyń ishinde soıylǵan esekterdiń qarny, ishekteri, sıraqtary jatyr. Mine, sizderge dálel. Budan qaldy kanalızasıa sasyp tur. Ózderińiz kórip turǵandaı mal soıylyp jatyr. Keıbireýler aıǵyr esektiń qazysyn jep máz bolyp júrgen shyǵar. Áı, qudaıdan qoryqpaıtyndar-aı!” – dedi shymkenttik er adam.

Shymkent ákimdigi oqıǵanyń Turan aýdanyndaǵy Qursaı kóshesi mańynda bolǵanyn rastady.

“Aýyl sharýashylyǵy mınıstrligi veterınarıalyq baqylaý jáne qadaǵalaý komıtetiniń aýmaqtyq ınspeksıasy, aýyl sharýashylyǵy jáne veterınarıa departamenti qyzmetkerleriniń oqıǵa ornyna komısıalyq barý barysynda Shymkent veterınarıalyq stansıasy, Turan aýdanynyń jergilikti polısıa qyzmeti tirkelmegen sharýa qojalyǵynda 104 bas esek pen 36 bas ýaq mal ustaıtynyn anyqtady (ıesiniń aıtýy boıynsha)”, – delingen habarlamada.

Vıdeony myna jerden kóre alasyzdar

Bul maqala týraly ne oılaısyz?