Tiri bolsam, qazaqqa qyzmet etpeı qoımaımyn!

Álıhan Bókeıhan

Shekpendiler shekten shyqty. Qyrǵyz ben Reseıdiń dıplomatıasy daýǵa ulasty

13 sáýir 2024 271

Qyrǵyz ben Reseıdiń arasynan "ala mysyq júgirip ótti". Qyrǵyzstan SİM Reseıdiń quqyq qorǵaý organdarynyń qyzmetkerlerin Máskeýdegi Qyrǵyzstan elshiliginiń qyzmetkerleriniń biriniń otbasy múshelerine qatysty dórekiligi úshin jazalaýdy talap etti, dep habarlaıdy Alash.KZ ulttyq portaly Orda.kz-ke silteme kórsete otyryp. 

Qyrǵyzstan Syrtqy ister mınıstrliginiń málimetinshe, 12 sáýirde SİM Konsýldyq departamentine Reseı Elshiliginiń keńesshi-konsýly Andreı Býrev shaqyryldy. Oǵan resmı narazylyq notasy tabystaldy. Qyrǵyzstan Máskeýdegi dıplomattardyń biriniń otbasy múshelerine qatysty jónsiz qarym-qatynasty tergeýdi talap etti. Reseılik polıseıler Qyrǵyzstan elshiligi keńesshisiniń úıine kirip, dıplomat týystaryna kúsh qoldanǵan. 

Qyrǵyzstan SİM málimdemesinde:

"Reseı Federasıasy quqyq qorǵaý organdary tarapynan Qyrǵyz Respýblıkasynyń akkredıttelgen dıplomattaryna qatysty mundaı áreketterge jol berilmeıdi,isti muqıat tergeýdi jáne kináli adamdardy múmkindiginshe qysqa merzimde jaýapqa tartýdy talap etemiz", - delingen. 

Konsýl Býrev ókinetinin jetkizip atalmysh fakt boıynsha tekserý júrgizemiz dep ýáde berdi.

Reseılik telegram-arnalar buǵan deıin Máskeý polıseıleriniń 8 sáýirde Qyrǵyzstan elshiliginiń keńesshisi turatyn páterge kirgenin, dıplomattyń áıeli men balalarynan kóshi-qon esebine qoıý týraly qujattardy talap etkenin habarlaǵan. Elshilik qyzmetkeriniń týystary dıplomatıalyq pasporttardy usynǵan, biraq reseılik qaýipsizdik kúshteri buǵan qanaǵattana qoımaǵan.

Jogorký Kenesh depýtaty Dastan Bekeshev bul aqparatty rastap, oqıǵa saldarynan eshkim fızıkalyq zaqym almaǵanyn aıtty. Alaıda, bul polısıa qyzmetkerleriniń minez-qulqyn aqtamaıtynyn jetkizdi.

"Elshilik qyzmetkerlerine bulaı jasalsa,tipti, qarapaıym azamattarymyzǵa ne jasamaıdy degen oıǵa qalasyń. Reseı polısıasy esirdi", - dep jazdy Dastan Bekeshev.

Bul maqala týraly ne oılaısyz?